«Хас биирдии киһи харчытын хайдах туттарын бэйэтэ быһаарар. Бааҥҥа счет, эбэтэр уурдарыы харчыны арыйарга син биир баан өҥөтүн төлүүгүн. Кини туораттан хааччаҕа суох харчытын устуохтаах, эбэтэр ыытыахтаах», — диэтэ Судаарыстыбаннай Дуума Бэрэссэдээтэлэ.
Ону таһынан, тус сыаллаах үөрэхтээһин сайаапката публичнай көрүҥнээх буолуоҕа. Үөрэххэ киирэр киһи туох көмө баарын, кэлин үлэ дуогабарын түһэрсэр тэрилтэтин туһунан иһитиннэриини көрөр кыахтаныаҕа.
Вячеслав Володин этэринэн, эдэр исписэлиис үөрэҕин бүтэрэн баран, анаммыт тэрилтэтигэр тиийэн үлэлиирин ситиһиэхтээхтэр. Итиниэхэ эппиэтинэһи үлэни биэрээччи, эрэгийиэннээҕи былаас уонна устудьуон сүгэллэр.
Тус сыаллаах үөрэххэ үөрэнэр устудьуон мэктиэлэммит үлэ миэстэлээх, үчүгэй хамнастаах, дьиэнэн-уотунан уонна да атын социальнай көмөнөн хааччыллар. Кинини үөрэттэрбит эрэгийиэннээҕи былаас харчытын таах халтай бараабакка дуогабардаспыт киһитин ыҥыран үлэлэтиэхтээх. Оччотугар, чуолаан доруобуйа харыстабылыгар уонна үөрэх салаатыгар үлэһиттэринэн хааччыллыы сытыы боппуруоһа быһаарыллыан сөп.
Фруктаттан, отонтон оҥоһуллар кыраадыстаах утахха, ол иһигэр көөнньөр виноҕа, Арассыыйа сампааныгар акциз кээмэйэ үрдүөхтээх. Ол курдук, биир лиитэрэ вино акциһа 108 солк. буолуохтаах.
Сураҕа суох сүппүт дьон чугас аймахтарын булгуччулаах судаарыстыбаннай геномнай регистрацияҕа киллэриэхтэрэ. Сүппүт киһини булуохтарыгар диэри ол дааннай харайыллыаҕа.
ТОР сиригэр баар дьиэни-уоту, баайы-дуолу салайар хампаанньалар бас билиилэригэр, эбэтэр куортамҥа биэриэхтэрэ. Инникитин ТОР резиденнарэ бырайыактарын олоххо киллэрэллэригэр ону туһаныахтарын сөп.
Хаартыска: Судаарыстыбаннай Дуума саайтыттан.
-
0
-
0
-
0
-
0
-
0
-
1
