Дьокуускайга “Суол” диэн ааттаах социальнай-култуурунай бырайыак сүрэхтэннэ. Саха номохторо урут ханна да киэҥник тарҕана иликтэрэ. Билэрбит диэн, кинигэ эрэ буолара. Аныгы олох сиэринэн Туймаада хочотун номохторун аны куар-коду баттаан истэр кыахтанныбыт. Олус табыгастаах ээ: анаан-минээн бириэмэ аныыр наадата суох, баҕалаах киһи ханна, хаһан баҕарар холбоон истиэн сөп. Дьокуускай дьаһалтатын көмөтүнэн “ВЭФ.РФ” корпорация үбүлээтэ.
Алла Ноговицына, “Суол” бырайыакка үлэлэспит уопсастыбанньык, тыл актыбыыһа:
– “Суол” бырайыак икки түһүмэхтээх. Бастакыта – “Дьокуускай – суоппар хараҕынан” диэн. Манна суоппардар тус устуоруйалара кэпсэнэр. Биһиги хайысхабыт – Туймаада туһунан номохтор. Үйэ анараа өттүгэр биллиилээх фольклористар суруйан үйэтиппит куорат туһунан үһүйээннэрин, номохторун хомуйдубут. Уопсайа 30 номоҕу сүүмэрдээн таллыбыт. Тылга, устуоруйаҕа чугас дьон билэллэр. Сорохторо адьас былыргы номохтор, сорохторо аныгылыы соҕустар. Холобур, Шергин шахтатын, Дьокуускайдааҕы реальнай училище туһунан уо.д.а.
Яна Угарова салайааччылаах “Саха тыла 400” түмсүүлээхпит. Сүрүннээн, бу түмсүү актыбыыстара үлэлээтибит.
Бырайыак хайдах үөскээбитэ бэйэтэ туспа устуоруйалаах. Идиэйэтин аан маҥнай ГЧИ научнай үлэһитэ, тыл билимин хандьыдаата, тылга сыһыаннаах уопсастыбаннай үлэҕэ көхтөөхтүк кыттар Саргылаана Ноева-Карманова эппитэ. Эмиэ тыл үөрэхтээҕэ, билим хандьыдаата Айталина Кузьминалыын сүбэлэспиттэр этэ. Бөлөхтөөхпүт. Онно номохтору ыыталлара. “Хаарыан үтүө номохторбутун ыччаппыт билбэт. Бу номохтору аныгы ньыманан тарҕатарга туох эмэ бырайыагы толкуйдаатар”, – диэн санаа баара.
“Икки тылынан таһаарабыт” диэн эрдэттэн былааннаабыппыт. Бастаан сахалыытын бэлэмнээбиппит. Фольклористар 20-с үйэҕэ 70, 80 саастаах кырдьаҕастар кэпсээннэриттэн суруйдахтара. Былыргы тыллар (архаизмнар) элбэхтэрэ. Тыл билимин хандьыдаата Мария Кириллина номохтор тылларын чочуйарга үлэлэспитэ. Баллыр (подстрочнай) тылбааһы ХИФУ Хотугулуу-Илин олохтоох норуоттар тылларын институтун истилиистикэ уонна тылбаас хаапыдыратын дассыана, тыл билимин хандьыдаата Акулина Васильева оҥорбута. 30 номоҕу бэркэ тылбаастаабыта, инньэ гынан номохторбут нууччалыы уһуллар кыахтаммыттара. Нууччалыы уус-уран тылбааһын Яна Угарова бэйэтэ оҥорбута. “Бэйэм норуоппар, төрөөбүт тылбар туох эмэ туһалааҕы, суолталааҕы оҥордорбун” диэн санаалаах ылсыбыта.
“Төһө оруннаах номохторуй?” диэн ис хоһооннорун эмиэ көрбүппүт, устуоруйа билимин хандьыдаата Пантелеймон Петров-Хардыы үлэлээбитэ. “Чолбон” сурунаал кэриэктэрэ Анна Прудецкая кэрэктиирэтин оҥорбута. Хас биирдии номох кылгас анатаассыйалаах. Ону мэдиссиинэ билимин хандьыдаата Николай Павлов-Халан суруйбута.
Талааннаах худуоһунньук Мира Аргунова хас биирдии номоххо уруһуйдаабыта. Олор оптуобустарга ыйаналлар.
Атырдьах уонна балаҕан ыйдарыгар “Үлэ кыбартаала” диэн кластерга күүстээх үлэ барбыта. Барыта түргэн тэтиминэн уһуллан иһиэхтээҕэ, бырайыакпытын алтынньыга сүрэхтиир былааннаах этибит. Аркадий Ылахов диэн бэрт талааннаах эдэр киһи тыаһы-ууһу таҥна. Номох барыта муусука доҕуһуоллаах. Төрүт үстүрүмүөннэр тыастарын эмиэ устуудьуйаҕа устубуппут.
Уопсайа 60 киһини ыҥыран аахтарбыппыт. Ити соругу бэйэм ылбытым. 60 киһиэхэ суруйбутум. “Туһалаах, бэрт бырайыак эбит” диэбиттэрэ. Дьон бириэмэтин аттарарга уустук этэ. Үлэлэриттэн, дьиэлэриттэн-уоттарыттан быыс-арыт булан, көрсөн устубуппут. Үрдүгэр муусукатын туруорбуттара.
Араас идэлээх, саастаах дьону түмнүбүт. Саха тыйаатырын артыыстара, “Саха” НКИХ үлэһиттэрэ, спортсменнар, ырыаһыттар, блогердар уо.д.а. бааллар. Дьокуускай 4 улахан тэрилтэтин кытыннарбыппыт: “Саханефтегазсбыт”, Дьокуускайдааҕы үүт собуота, килиэп кэмбинээтэ уонна “Якутскэнерго” тэрилтэ. Бэйэлэрин истэригэр сахалыы үчүгэйдик ааҕар киһини талбыттара. Нууччалыы номохтору, сүрүннээн, Нуучча тыйаатырын артыыстара, Дьокуускайга баар түмсүүлэр аахпыттара. Онон элбэх киһини түмэ тардыбыт бырайыак буолар.
Санатан эттэххэ, Дьокуускай 33 оптуобуһугар саха номохторун истэргэ аналлаах уруһуйдаах, суруктаах-бичиктээх, куар-кодтаах былакааттар ыйаныахтара.
Диана КЛЕПАНДИНА.
Дьокуускай дьаһалтатын пресс-сулууспатын хаартыската.
Информация о материале
Диана Клепандина
Диана Клепандина
22.10.25 10:51
Дьокуускайга “Суол” диэн ааттаах социальнай-култуурунай бырайыак сүрэхтэннэ. Саха номохторо урут ханна да киэҥник тарҕана иликтэрэ. Билэрбит диэн, кинигэ эрэ буолара. Аныгы олох сиэринэн Туймаада хочотун номохторун аны куар-коду баттаан истэр кыахтанныбыт. Олус табыгастаах ээ: анаан-минээн бириэмэ аныыр наадата суох, баҕалаах киһи ханна, хаһан баҕарар холбоон истиэн сөп. Дьокуускай дьаһалтатын көмөтүнэн “ВЭФ.РФ” корпорация үбүлээтэ.
Алла Ноговицына, “Суол” бырайыакка үлэлэспит уопсастыбанньык, тыл актыбыыһа:
– “Суол” бырайыак икки түһүмэхтээх. Бастакыта – “Дьокуускай – суоппар хараҕынан” диэн. Манна суоппардар тус устуоруйалара кэпсэнэр. Биһиги хайысхабыт – Туймаада туһунан номохтор. Үйэ анараа өттүгэр биллиилээх фольклористар суруйан үйэтиппит куорат туһунан үһүйээннэрин, номохторун хомуйдубут. Уопсайа 30 номоҕу сүүмэрдээн таллыбыт. Тылга, устуоруйаҕа чугас дьон билэллэр. Сорохторо адьас былыргы номохтор, сорохторо аныгылыы соҕустар. Холобур, Шергин шахтатын, Дьокуускайдааҕы реальнай училище туһунан уо.д.а.
Яна Угарова салайааччылаах “Саха тыла 400” түмсүүлээхпит. Сүрүннээн, бу түмсүү актыбыыстара үлэлээтибит.
Бырайыак хайдах үөскээбитэ бэйэтэ туспа устуоруйалаах. Идиэйэтин аан маҥнай ГЧИ научнай үлэһитэ, тыл билимин хандьыдаата, тылга сыһыаннаах уопсастыбаннай үлэҕэ көхтөөхтүк кыттар Саргылаана Ноева-Карманова эппитэ. Эмиэ тыл үөрэхтээҕэ, билим хандьыдаата Айталина Кузьминалыын сүбэлэспиттэр этэ. Бөлөхтөөхпүт. Онно номохтору ыыталлара. “Хаарыан үтүө номохторбутун ыччаппыт билбэт. Бу номохтору аныгы ньыманан тарҕатарга туох эмэ бырайыагы толкуйдаатар”, – диэн санаа баара.
“Икки тылынан таһаарабыт” диэн эрдэттэн былааннаабыппыт. Бастаан сахалыытын бэлэмнээбиппит. Фольклористар 20-с үйэҕэ 70, 80 саастаах кырдьаҕастар кэпсээннэриттэн суруйдахтара. Былыргы тыллар (архаизмнар) элбэхтэрэ. Тыл билимин хандьыдаата Мария Кириллина номохтор тылларын чочуйарга үлэлэспитэ. Баллыр (подстрочнай) тылбааһы ХИФУ Хотугулуу-Илин олохтоох норуоттар тылларын институтун истилиистикэ уонна тылбаас хаапыдыратын дассыана, тыл билимин хандьыдаата Акулина Васильева оҥорбута. 30 номоҕу бэркэ тылбаастаабыта, инньэ гынан номохторбут нууччалыы уһуллар кыахтаммыттара. Нууччалыы уус-уран тылбааһын Яна Угарова бэйэтэ оҥорбута. “Бэйэм норуоппар, төрөөбүт тылбар туох эмэ туһалааҕы, суолталааҕы оҥордорбун” диэн санаалаах ылсыбыта.
“Төһө оруннаах номохторуй?” диэн ис хоһооннорун эмиэ көрбүппүт, устуоруйа билимин хандьыдаата Пантелеймон Петров-Хардыы үлэлээбитэ. “Чолбон” сурунаал кэриэктэрэ Анна Прудецкая кэрэктиирэтин оҥорбута. Хас биирдии номох кылгас анатаассыйалаах. Ону мэдиссиинэ билимин хандьыдаата Николай Павлов-Халан суруйбута.
Талааннаах худуоһунньук Мира Аргунова хас биирдии номоххо уруһуйдаабыта. Олор оптуобустарга ыйаналлар.
Атырдьах уонна балаҕан ыйдарыгар “Үлэ кыбартаала” диэн кластерга күүстээх үлэ барбыта. Барыта түргэн тэтиминэн уһуллан иһиэхтээҕэ, бырайыакпытын алтынньыга сүрэхтиир былааннаах этибит. Аркадий Ылахов диэн бэрт талааннаах эдэр киһи тыаһы-ууһу таҥна. Номох барыта муусука доҕуһуоллаах. Төрүт үстүрүмүөннэр тыастарын эмиэ устуудьуйаҕа устубуппут.
Уопсайа 60 киһини ыҥыран аахтарбыппыт. Ити соругу бэйэм ылбытым. 60 киһиэхэ суруйбутум. “Туһалаах, бэрт бырайыак эбит” диэбиттэрэ. Дьон бириэмэтин аттарарга уустук этэ. Үлэлэриттэн, дьиэлэриттэн-уоттарыттан быыс-арыт булан, көрсөн устубуппут. Үрдүгэр муусукатын туруорбуттара.
Араас идэлээх, саастаах дьону түмнүбүт. Саха тыйаатырын артыыстара, “Саха” НКИХ үлэһиттэрэ, спортсменнар, ырыаһыттар, блогердар уо.д.а. бааллар. Дьокуускай 4 улахан тэрилтэтин кытыннарбыппыт: “Саханефтегазсбыт”, Дьокуускайдааҕы үүт собуота, килиэп кэмбинээтэ уонна “Якутскэнерго” тэрилтэ. Бэйэлэрин истэригэр сахалыы үчүгэйдик ааҕар киһини талбыттара. Нууччалыы номохтору, сүрүннээн, Нуучча тыйаатырын артыыстара, Дьокуускайга баар түмсүүлэр аахпыттара. Онон элбэх киһини түмэ тардыбыт бырайыак буолар.
Санатан эттэххэ, Дьокуускай 33 оптуобуһугар саха номохторун истэргэ аналлаах уруһуйдаах, суруктаах-бичиктээх, куар-кодтаах былакааттар ыйаныахтара.
Диана КЛЕПАНДИНА.
Дьокуускай дьаһалтатын пресс-сулууспатын хаартыската.
Дьокуускайга “Суол” диэн ааттаах социальнай-култуурунай бырайыак сүрэхтэннэ. Саха номохторо урут ханна да киэҥник тарҕана иликтэрэ. Билэрбит диэн, кинигэ эрэ буолара. Аныгы олох сиэринэн Туймаада хочотун номохторун аны куар-коду баттаан истэр кыахтанныбыт. Олус табыгастаах ээ: анаан-минээн бириэмэ аныыр наадата суох, баҕалаах киһи ханна, хаһан баҕарар холбоон истиэн сөп. Дьокуускай дьаһалтатын көмөтүнэн “ВЭФ.РФ” корпорация үбүлээтэ.
Алла Ноговицына, “Суол” бырайыакка үлэлэспит уопсастыбанньык, тыл актыбыыһа:
– “Суол” бырайыак икки түһүмэхтээх. Бастакыта – “Дьокуускай – суоппар хараҕынан” диэн. Манна суоппардар тус устуоруйалара кэпсэнэр. Биһиги хайысхабыт – Туймаада туһунан номохтор. Үйэ анараа өттүгэр биллиилээх фольклористар суруйан үйэтиппит куорат туһунан үһүйээннэрин, номохторун хомуйдубут. Уопсайа 30 номоҕу сүүмэрдээн таллыбыт. Тылга, устуоруйаҕа чугас дьон билэллэр. Сорохторо адьас былыргы номохтор, сорохторо аныгылыы соҕустар. Холобур, Шергин шахтатын, Дьокуускайдааҕы реальнай училище туһунан уо.д.а.
Яна Угарова салайааччылаах “Саха тыла 400” түмсүүлээхпит. Сүрүннээн, бу түмсүү актыбыыстара үлэлээтибит.
Бырайыак хайдах үөскээбитэ бэйэтэ туспа устуоруйалаах. Идиэйэтин аан маҥнай ГЧИ научнай үлэһитэ, тыл билимин хандьыдаата, тылга сыһыаннаах уопсастыбаннай үлэҕэ көхтөөхтүк кыттар Саргылаана Ноева-Карманова эппитэ. Эмиэ тыл үөрэхтээҕэ, билим хандьыдаата Айталина Кузьминалыын сүбэлэспиттэр этэ. Бөлөхтөөхпүт. Онно номохтору ыыталлара. “Хаарыан үтүө номохторбутун ыччаппыт билбэт. Бу номохтору аныгы ньыманан тарҕатарга туох эмэ бырайыагы толкуйдаатар”, – диэн санаа баара.
“Икки тылынан таһаарабыт” диэн эрдэттэн былааннаабыппыт. Бастаан сахалыытын бэлэмнээбиппит. Фольклористар 20-с үйэҕэ 70, 80 саастаах кырдьаҕастар кэпсээннэриттэн суруйдахтара. Былыргы тыллар (архаизмнар) элбэхтэрэ. Тыл билимин хандьыдаата Мария Кириллина номохтор тылларын чочуйарга үлэлэспитэ. Баллыр (подстрочнай) тылбааһы ХИФУ Хотугулуу-Илин олохтоох норуоттар тылларын институтун истилиистикэ уонна тылбаас хаапыдыратын дассыана, тыл билимин хандьыдаата Акулина Васильева оҥорбута. 30 номоҕу бэркэ тылбаастаабыта, инньэ гынан номохторбут нууччалыы уһуллар кыахтаммыттара. Нууччалыы уус-уран тылбааһын Яна Угарова бэйэтэ оҥорбута. “Бэйэм норуоппар, төрөөбүт тылбар туох эмэ туһалааҕы, суолталааҕы оҥордорбун” диэн санаалаах ылсыбыта.
“Төһө оруннаах номохторуй?” диэн ис хоһооннорун эмиэ көрбүппүт, устуоруйа билимин хандьыдаата Пантелеймон Петров-Хардыы үлэлээбитэ. “Чолбон” сурунаал кэриэктэрэ Анна Прудецкая кэрэктиирэтин оҥорбута. Хас биирдии номох кылгас анатаассыйалаах. Ону мэдиссиинэ билимин хандьыдаата Николай Павлов-Халан суруйбута.
Талааннаах худуоһунньук Мира Аргунова хас биирдии номоххо уруһуйдаабыта. Олор оптуобустарга ыйаналлар.
Атырдьах уонна балаҕан ыйдарыгар “Үлэ кыбартаала” диэн кластерга күүстээх үлэ барбыта. Барыта түргэн тэтиминэн уһуллан иһиэхтээҕэ, бырайыакпытын алтынньыга сүрэхтиир былааннаах этибит. Аркадий Ылахов диэн бэрт талааннаах эдэр киһи тыаһы-ууһу таҥна. Номох барыта муусука доҕуһуоллаах. Төрүт үстүрүмүөннэр тыастарын эмиэ устуудьуйаҕа устубуппут.
Уопсайа 60 киһини ыҥыран аахтарбыппыт. Ити соругу бэйэм ылбытым. 60 киһиэхэ суруйбутум. “Туһалаах, бэрт бырайыак эбит” диэбиттэрэ. Дьон бириэмэтин аттарарга уустук этэ. Үлэлэриттэн, дьиэлэриттэн-уоттарыттан быыс-арыт булан, көрсөн устубуппут. Үрдүгэр муусукатын туруорбуттара.
Араас идэлээх, саастаах дьону түмнүбүт. Саха тыйаатырын артыыстара, “Саха” НКИХ үлэһиттэрэ, спортсменнар, ырыаһыттар, блогердар уо.д.а. бааллар. Дьокуускай 4 улахан тэрилтэтин кытыннарбыппыт: “Саханефтегазсбыт”, Дьокуускайдааҕы үүт собуота, килиэп кэмбинээтэ уонна “Якутскэнерго” тэрилтэ. Бэйэлэрин истэригэр сахалыы үчүгэйдик ааҕар киһини талбыттара. Нууччалыы номохтору, сүрүннээн, Нуучча тыйаатырын артыыстара, Дьокуускайга баар түмсүүлэр аахпыттара. Онон элбэх киһини түмэ тардыбыт бырайыак буолар.
Санатан эттэххэ, Дьокуускай 33 оптуобуһугар саха номохторун истэргэ аналлаах уруһуйдаах, суруктаах-бичиктээх, куар-кодтаах былакааттар ыйаныахтара.
Диана КЛЕПАНДИНА.
Дьокуускай дьаһалтатын пресс-сулууспатын хаартыската.
0
0
0
0
0
0
