Издательский дом Редакция Подписка
Погода в Якутске: . 21 oC

Бу күннэргэ аны Армениялаах Азербайджан иирсэн турдулар. Эмиэ Нагорнай Карабахтан сылтаан. Балаҕан ыйын 13 күнүгэр букатын да кыраныыссаларыгар ытыаластылар, хас да киһи өллө, эчэйдэ, бааһырда.

Бу күннэргэ аны Армениялаах Азербайджан иирсэн турдулар. Эмиэ Нагорнай Карабахтан сылтаан. Балаҕан ыйын 13 күнүгэр букатын да кыраныыссаларыгар ытыаластылар, хас да киһи өллө, эчэйдэ, бааһырда.

Балаҕан ыйын 14 күнүгэр ытыалаһыы тохтоото. Онно өҥөлөөҕүнэн РФ бэрэсидьиэнэ буолар. Армения премьер-миниистирэ Пашинян, байыаннай балаһыанньа буолаатын кытта, Владимир Путиҥҥа эрийэн, өйөбүл көрдөөбүтэ. Боппуруоһу сэрии сэбинэн буолбакка, дипломатическай сыһыанынан быһаарарга сүбэ ылан баран, Пашинян: “Биһиги сувереннай сирбитин хааллардаҕына, Азербайджан территориятын билинэбит”, -- диэн эйэлэһэрин биллэрбитэ. Онуоха аны бэйэтин дьоно эрмээннэр болуоссакка бастаанньалыы, бууннуу таҕыстылар: Пашиняны дуоһунаһыттан уһуларга туруорсаллар.

ашинян

Байыаннай балаһыанньа салгыы хайдах барыан, ол Арассыыйаҕа тугунан диэлийэн тахсыан бэлиитиктэр ырыталлар.

Оттон ити кэмҥэ Донбасс олохтоохторун, анал байыаннай операцияҕа кытта сылдьааччыларын өйүүр сыаллаах “Вперёд Россия – победа будет за нами!” телемарафон буолла. Онно Ил Дархаммыт быһа сибээһинэн кытынна.

Айсен Сергеевич бу байыаннай дьайыыларга уонна босхоломмут сир олохтоохторугар Саха Сирэ көмө-тирэх буоларын эттэ: “Билигин итиннэ “Боотур” диэн анал этэрээппит сылдьар. Бу баҕа өттүнэн барбыт байыастар. Аны туран, биһиги өрөспүүбүлүкэбит ДНР Кировскай куоратын көрүүгэ-истиигэ шефтэһэ ылбыта. Билигин икки оскуоланы, киин балыыһаны, култуура дьиэтин, о.д.а. эбийиэктэри чөлүгэр түһэриигэ анал бөлөхпүт үлэлии сылдьар. Гуманитарнай көмө быһыытынан эмп, туттар тэрил, о.д.а. ыытабыт. Оҕолорун сынньалаҥын тэрийдибит, Хара муораҕа сынньаттыбыт”, -- диэн кэпсээтэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51