Арассыыйа араас эрэгийиэннэриттэн 75 эдэр киһи Саха сиригэр ойуур баһаарын содулун туоратыыга көмөҕө кэлбит. «75 буолан көтөн кэллибит. Ойуур баһаарыттан эмсэҕэлээбит дьоҥҥо көмө, тирэх буола кэллибит. Федеральнай уонна эрэгийиэн таһымынан көмө миэрэлэрэ оҥоһулуннулар. Өрөспүүбүлүкэ салалтата эмсэҕэлээбит дьоҥҥо көмөлөһөр. Бары бииргэ дьиэлэри-уоттары тутууга турунуохтаахпыт, Саха сирин тыйыс кыһына чугаһаата. Бүгүн волонтердар Бэс Күөлүгэр айанныахтара», -- диэн Николай Валуев этэр.
Николай Валуев Госдума экологияҕа уонна тулалыыр эйгэни харыстааһыҥҥа кэмитиэт бэрэссэдээтэлин бастакы солбуйааччытынан буолар. Кини бу сырыытыгар өрөспүүбүлүкэ салалтатын, экология миниистирин кытары көрсөр былааннаах. Бүгүн Николай Валуев Бэс Күөлүн олохтоохторун уонна А.А.Агеев аатынан Бэрдьигэстээҕи оҕо спорт оскуолатын иитиллээччилэрин кытары көрсүөҕэ. Сарсын «Триумф» спортивнай комплекска ыарахан ыйааһыҥҥа аан дойду чөмпүйүөнэ Николай Валуев маастар-кылаас көрдөрүөҕэ.
Андрей Сорокин хаартыскаҕа түһэриитэ.
-
0
-
0
-
0
-
0
-
0
-
0
