Биһиги өрөспүүбүлүкэбитигэр Булт быраабылатыгар сыһыаннаах ыйаах өссө даҕаны тахса илик. Биэдэмэстибэлэри кытта сөбүлэһиннэриигэ сылдьар дииллэр. Ол даҕаны буоллар, Экология, айылҕаны туһаныы уонна ойуур хаһаайыстыбатын министиэристибэтин булт хаһаайыстыбатыгар уонна айылҕа ураты харыстанар сирдэригэр департаменын салайааччытын солбуйааччы Анатолий Поповтан: “Саха сиригэр хараҥаҕа фаранан бултуур көҥүллэниэ дуо?” – диэн элбэх киһи мунаахсыйар ыйытыытын чуолкайдаспыппар маннык хоруйдаата:
“Саҥа быраабылаҕа сатыы сылдьар булчут фараны, тепловизоры туһанан бултуон сөбө” ыйыллар эрээри, бу боппуруоһу быһаарыы субъект боломуочуйатыгар бэриллибитинэн туһанан, элбэх эрэгийиэҥҥэ боптулар. Биһиги эмиэ тиэхиньикэнэн уонна сатыы сылдьан, кыылы-көтөрү фара уотунан тыктаран бултууру хааччахтыыр туһунан бырайыак оҥордубут. Бу тепловизорга эмиэ сыһыаннаах. Чопчу фара туһунан этэр буоллахха, булчут аналлаах вышкаҕа туран эрэ кыылы ытарыгар көҥүллэниэ. Сирдээх булт хаһаайыстыбалара булчуттарга маннык усулуобуйаны тэрийиэх тустаахтар. Ону ирдиэхпит”.
-
0
-
0
-
0
-
0
-
0
-
0
