Ааспыт нэдиэлэҕэ Федерация Сэбиэтин спикерэ Валентина Матвиенко Ѳлүѳнэ ѳрүhү туоруур муоста тутуутун паритетнай үбүлээhинин схематын ѳйүүр туhунан эппитэ. Бу сыалга Саха Сирэ 2025 сылга федеральнай сириэстибэлэри ылыаҕа. Бу схеманан федеральнай үбүлээhин манна тардыллыбыт инвестициялар уопсай кээмэйдэрин аңаарыттан итэҕэhэ суох буолуохтаах.
Бу күңңэ муоста тутуутун бастакы бэлэмниир этабын үлэлэрэ хайыы үйэ бүтэн эрэллэр: икки биэрэккэ сири анааhын толору оңоhуллубут, ситимнэри уонна үрдүк күүрүүлээх линиялары хос ууруу үлэтэ эмиэ бүтэн эрэр.
Ѳлүѳнэ ѳрүhү туоруур муоста Саха Сирин нэhилиэнньэтин 80%-ныттан ордугун суукканы тѳгүрүччү тырааныспар сырыытынан хааччыйыаҕа. Муоста уопсай уhуна 14,7 километр, оттон аhарар кыаҕа сууккаҕа 6067 массыына буолуоҕа.
Бу инвестбырайыак Уhук Илин сайдыытын национальнай бырагырааматыгар киирэн турар.
-
0
-
0
-
0
-
0
-
0
-
0
