Ол курдук Таджикистантан 74 киилэҕэ тустар Бииктэр Рассадин бастакыттан хотуулаахтык саҕалаабыта. Узбекистаан тустуугун 11:1 ахсаанынан, салгыы Беларусьтан сылдьар утарылаһааччытын 4:1 кыайан чөмпүйэнээт 1/8 финалыгар тахсыбыта.Ол иннинэ Бииктэри кыайбыт Казахстаан бөҕөһө Нуркожа Кайпанов алтнньы 31 күнүгэр полуфиналга аан дойду билиҥҥи чөмпүйүөнэ Аоягины кыайан, биһиги тустуукпутугар боруонса мэтээл иһин салгыы киирсэригэр кыах биэрбитэ. Онон бэҕэһээ, сэтинньи 1 күнүгэр Бииктэр Рассадин Курбан Байрамовы кытта киирсиигэ бэрт эрэллээхтик кыайан иһэн, тустуу бүтүөн аҕыйах сөкүүндэ хаалбытын кэннэ икки очкуону бэрт судургутук биэрэн кэбистэ. Ол кэннэ Бииктэр оҥорбут приемын көбүөр реферитэ биэрбит икки очкуотун судьуйалар аахпакка, кыайыыны Байрамовка биэрдилэр. Итиннэ кыайбыта буоллар, Бииктэр үһүс иһин киирсэ тахсыахтаах этэ...
Оттон Арыйаан Тютрин 57 киилэҕэ 1/8 финалга Тютрин Кыргызтаан бөҕөһө, Азия чөмпүйэнээтин боруонса призера Абдумалик Карачовтыын киирсииигэ 5:3 ахсаанынан хоппута. Салгыы аатырбыт Хотугу Кэриэйэ бөҕөһө, аан дойду билиҥҥи чөмпүйүөнэ Чон Сон Ханы кытта туста тахсан хотторбута. Ол гынан баран, Хан полуфинал киирсиитигэр кыайар түбэлтэтигэр, бронза мэтээл иһин салгыы киирсиэн сөп диэн кыра эрэл кыыма баара... Ол кыайан туолбата - аатырбыт Хан соччо биллибэт Рауль Браво Йанг диэн Мексика тустуугун кытта киирсиигэ хотторон кэбистэ. Арыйаан бу чөмпүйэнээккэ үчүгэйдик, кимиилээхтик туһунна диэн ырытааччылар бэлиэтииллэр.
Чөмпүйэнээт тиэхиньиичэскэй түмүктэрэ
57 киилэҕэ диэри: 1. Спенсер Ли (АХШ), 2. Роман Браво Янг (Мексика), 3. Абубакар Муталиев (Арассыыйа) уонна Чон Сун Хан (КНДР), 5. Мунх-Эрдэнэ Батхуяг (Монгуолуйа) уонна Ислам Базарганов (Азербайджан).
61 киилэҕэ диэри: 1. Ахмад Мохаммаднежад Джаван (Иран), 2. Заур Угуев (Арассыыйа), 3. Кванг Ким (КНДР) уонна Маркус Блейз (США), 5. Зелимхан Абакаров (Албания) уонна Асыл Айтакын (Казахстаан).
65 киилэҕэ диэри: 1. Бо Бассет (АХШ), 2. Вазген Теванян (Армения), 3. Абасгаджи Магомедов (Арассыыйа) уонна Рахман Амузад (Иран). 5. Шамиль Мамедов (Болгария) уонна Абдулмаджид Кудиев (Таджикистан).
70 киилэҕэ диэри: 1. Ибрагим Ибрагимов (Арассыыйа), 2. Эрназар Акматалиев (Кыргызтаан), 3. Тулга Тумур-Очир (Монголия) уонна Зейн Резерфорд (АХШ), 5. Василе Дякон (Молдова) уонна Хупер Митчелл (Канада).
74 киилэҕэ диэри: 1. Иналбек Шериев (Арассыыйа), 2. Нуркожа Кайпанов (Казахстан), 3. Амирмохаммад Яздани (Иран) уонна Йошиносуке Аояги (Япония), 5. Нарек Арутюнян (Армения) уонна Таймураз Салказанов (Словакия).
79 киилэҕэ диэри: 1. Леви Хайнс (АХШ), 2. Мохаммад Ноходиларими (Иран), 3. Исмаил Ханиев (Арассыыйа) уонна Магомедхабиб Кадимагомедов (Белорусь), 5. Джабраил Гаджиев (Азербайджан) уонна Олонбаяр Сулдхуу (Монгуолуйа).
86 киилэҕэ диэри: 1. Кайл Дейк (АХШ), 2. Арсений Джиоев (Азербайджан), 3. Малик Шаваев (Кыргызтаан) уонна Владимир Гамкрелидзе (Грузия), 5. Ибрагим Кадиев (Арассыыйа) уонна Георгеос Кугумцидис (Греция).
92 киилэҕэ диэри: 1. Аманула Гаджимагомедов (Арассыыйа), 2. Трент Хидли (АХШ), 3. Али Цокаев (Азербайджан) уонна Мириани Майсурадзе (Грузия), 5. Амирхоссейн Фирузпур (Иран) уонна Самуэль Шерер (Швейцария).
97 киилэҕэ диэри: 1. Кайл Снайдер (АХШ), 2. Араш Йошида (Япония), 3. Абдулрашид Садулаев (Арассыыйа) и Хассан Яздани (Иран), 5. Збигнев Барановски (Польша) уонна Ахмед Тажудинов (Бахрейн).
125 киилэҕэ диэри: 1. Амир Заре (Иран), 2. Абдулла Курбанов (Арассыыйа), 3. Георгий Медвелдишвили (Азербайджан) уонна Вайяаат Хендриксон (АХШ), 5. Владислав Байцаев (Венгрия) уонна Джаспоран Сингх (Индия).
Хамаанданан миэстэ: 1. АХШ– 194, 2. Арассыыйа – 185, 3. Иран – 133, 4. Азербайджан – 88, 5. Япония – 47, 6. Кыргыстаан – 43.
«Дьулурҕан».
-
0
-
0
-
0
-
0
-
0
-
0
