Саха Сиригэр сэдэх (орфаннай) ыарыылаахтарга мэдиссиинэ көмөтүн тэрийии уонна эминэн хааччыйыы боппуруоһа өрөспүүбүлүкэ судаарыстыбаннай бэлиитикэтин тумус тутуллар хайысхаларыттан биирдэстэрэ. Бу кыһалҕа Ил Түмэн таһымыгар куруутун хонтуруолга сылдьар диэн Светлана Николаевна мунньах саҕаланыыта тоһоҕолоото.
Кыһалҕа кээмэйэ уонна статистика
2026 сыл алтынньы 1 күнүнээҕи туругунан, олоҕу-дьаһаҕы улаханнык уустугурдар, тохтоло суох сайдар сэдэх (орфаннай) ыарыылаах дьон федеральнай регистригэр Саха Өрөспүүбүлүкэтиттэн 213 киһи учуокка киирэн сылдьар, мантан 40-на — оҕолор. Бу сыыппара сэдэх ыарыылаахтар ахсааннара элбиирин, кинилэргэ көмө суолтата улаатарын көрдөрөр.
Бүддьүөт ороскуота
Сэдэх ыарыылаахтары эмтээһин судаарыстыбаттан улахан үбү-харчыны эрэйэр. Саха Өрөспүүбүлүкэтин судаарыстыбаннай бүддьүөтүттэн бу ыарыһахтарга эми атыылаһыыга көрүллэр үп кээмэйэ улахан.
- 2024 сылга — 582,07 мөл. солк.
- 2025 сылга — 688,49 мөл. солк.
- 2026 сылга — 489,9 мөл. солк..
Бу үптэн улахан аҥаара оҕолорго ыарахан сыаналаах эмтэри атыылаһарга барар.
«Үтүө дьыала курууга» пуонда
Биһиги өрөспүүбүлүкэбит «Үтүө дьыала курууга» (Круг добра) диэн федеральнай пуонда өҥөтүнэн улаханнык туһанар. 2021 сылтан ыла бу пуонда нөҥүө Саха Сирин 107 оҕотун хаачыстыбалаах эминэн хааччыйыыга сайаапка бигэргэтиллибит. Пуондаттан кэлбит эмтэр уопсай сууммалара бүгүҥҥү күҥҥэ 2 011,31 мөл. солк. тэҥнэһэр. Бу — федеральнай киинтэн кэлэр сүҥкэн көмө, ол көмөтүнэн биһиги оҕолорбут олохторун быыһыыр кыахтаахпыт.
Сотуллубатах соруктар
Улахан ситиһиилэр баалларын үрдүнэн, сэдэх ыарыылаахтарга көмөнү тэрийиигэ кэккэ кыһалҕалар бааллар. Бу боппуруостарга мунньахха кыттыбыт федеральнай уонна Сахабыт Сирин эспиэрдэрэ, испэсэлиистэрэ улахан ырытыы оҥордулар.
Саха Сирин курдук киэҥ-куоҥ сирдээх эрэгийиэҥҥэ эмтэри тиэрдии логистикатын, федеральнай уонна эрэгийиэннээҕи бүддьүөттэр хардарыта үлэлэрин туһунан “Ил Түмэн хаһыат аныгыскы нүөмэригэр ааҕыҥ.
Галина МАТВЕЕВА
Ааптар хаартыскаҕа түһэриилэрэ
-
0
-
0
-
0
-
0
-
0
-
0
