Издательский дом Редакция Подписка
Погода в Якутске: . 21 oC

Ойуунускай аатынан академическай тыйаатырга Дьокуускай куорат Дуумата төрүттэммитэ 200 сылыгар анаммыт үөрүүлээх мунньах буолла.

Ойуунускай аатынан академическай тыйаатырга Дьокуускай куорат Дуумата төрүттэммитэ 200 сылыгар анаммыт үөрүүлээх мунньах буолла.

1822 сыллаахха Арассыыйа биллиилээх реформатора Михаил Сперанскай «Учреждение для управления сибирских губерний» дьаһала тахсыбыта. Ити докумуоҥҥа олоҕуран, Дьокуускай орто куораттар ахсааннарыгар киирбитэ, куорат ратушата (олохтоох бэйэни салайыныы уоргана) тэриллэр. Дьэ, онтон ыла Дьокуускай куорат Дуумата киин куорат сайдыытын туһугар үлэлиир былаас уорганынан буолар.

WhatsApp Image 2022 09 09 at 19.39.23 1

Өрөспүүбүлүкэбититтэн да аҕа саастаах Дуумабыт 200 сылын бэлиэтиир үөрүүлээх тэрээһинигэр киин куорат бэрэстэбиитэллээх уорганын салайааччылара уонна дьокутааттара, өрөспүүбүлүкэ уонна куорат салалтата, Саха Сирин уонна Арассыыйа муниципальнай тэриллиилэрин уонна бэрэстэбиитэллээх уорганнарын салайааччылара, уопсастыбаннас кытыннылар.

WhatsApp Image 2022 09 09 at 19.49.38 960x640 1

«Биһиги, Дьокуускай куораттааҕы Дуума дьокутааттара, былаас систиэмэтин үлэтин таһымын үрдэтэргэ олохтоох бэйэни салайыныы сүрүн оруолу ыларын өйдүүбүт. Дьокуускай куорат сайдыыта бигэ туруктаах, нэһилиэнньэ олоҕун усулуобуйата тупсарын, куорат эйгэтэ олорорго бары өттүнэн табыгастаах буоларын туһугар туох баар күүспүтүн-уохпутун ууруохпут», - диэтэ Альберт Семенов, Дьокуускай куорат Дууматын Бэрэссэдээтэлэ, РФ Бэрэсидьиэнин иһинэн үлэлиир Олохтоох салайыныы сэбиэтин чилиэнэ.

WhatsApp Image 2022 09 09 at 19.43.12 2 2

Кини кэллиэгэлэригэр, Дьокуускай куорат Дууматын бары ыҥырыылаах мунньахтарын дьокуутааттарыгар, муниципальнай сулууспалаахтарга уонна бэтэрээннэргэ үтүө суобастаах үлэлэрин, олохтоох салайыныы сайдыытыгар кылааттарын, куораттарыгар тапталларын иһин махталын биллэрдэ.  

«Дьокуускай куораттааҕы Дуума дойду таһымыгар иһиллэр куоластаах, Арассыыйа муниципальнай тэриллээһиннэрин ортотугар улахан аптарытыатынан туһанар. Итиннэ, биллэн турар, дьокутааттар улахан өҥөлөрө баар, бүгүн кинилэргэ дириҥ махталбытын уонна ытыктабылбытын биллэрэбит», - диэтэ эҕэрдэ тылыгар Саха Өрөспүүбүлүкэтин Ил Дархана Айсен Николаев. Кини бүгүҥҥү күҥҥэ Дьокуускай куорат иннигэр саҥа соруктар туралларын уонна сүрүн сыал – 2032 сылга өрөспүүбүлүкэ киин куоратын 400 сылын дьоһуннук көрсүү буоларын бэлиэтээтэ.  Дьокуускай Уһук Илиҥҥэ уонна Арассыыйаҕа экэнэмиичэскэй сайдыыга, саҥа технологиялары киллэриигэ, дьон олоҕун хаачыстыбатын тупсарыыга холобур буолар, инники кэккэҕэ сылдьар эрэгийиэн киинэ буолуохтааҕа этилиннэ.

WhatsApp Image 2022 09 09 at 19.43.17 2

 Эҕэрдэ тылы Ил Түмэн Бэрэссэдээтэлэ Алексей Еремеев, СӨ бырабыыталыстыбатын бэрэссэдээтэлин бастакы солбуйааччы Кирилл Бычков, куорат баһылыга Евгений Григорьев эттилэр. Үөрүүлээх мунньахха «Дьокуускай куорат бэрэстэбиитэллээх уорганын 200 сыла» үбүлүөйдээх мэтээллэри уонна наҕараадалары туттардылар.

MYqrLLE73M

Тэрээһин биир бэлиэ түгэнинэн Дуума дьокутааттарын уонна үлэһиттэрин хора Дьокуускай өрөгөйүн ырыатын толорбуттара буолла.

"Киин Куорат" матырыйаалынан

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22