Көрүллэр боппуруостар боччумнаахтарынан, ол иһигэр туох ханнык иннинэ кэлэр сыллардааҕы бүддьүөт барыла бигэргэнэрин быһыытынан, пленарнай мунньахха Ил Дархан Айсен Николаев, СӨ бырабыыталыыстыбатын бэрэссэдээтэлэ Андрей Тарасенко, Госдума дьокутаата Петр Аммосов, Үрдүкү суут бэрэссэдээтэлэ Любовь Летучих, миниистирдэр о.д.а. кыттыыны ыллылар.
Бастатан туран, үгэс курдук, каадыр боппуруоһа көрүлүннэ. Ил Түмэн бэрэссэдээтэлэ Алексей Еремеев норуот дьокутааттарын аатыттан ЛДПР бэлитиичэскэй баартыйа эрэгийиэннээҕи салаатын испииһэгинэн норуот дьокутаатын мандаатын ылбыт Александр Телевицкэйгэ норуот дьокутаатын дастабырыанньатын туттарда, парламентаризм сайдыытыгар ситиһиилээх үлэни баҕарда.
Норуот дьокутааттара салгыы мөрөбүөй судьуйалар дуоһунастарыгар киллэриллибит кандидатуралары көрдүлэр. Кистэлэҥ куоластааһын түмүгүнэн Светлана Ласковая 4 №-дээх Аллайыаха улууһунааҕы суут учаастагар, Гульнара Аргунова 10 №-дээх Дьааҥы улууһунааҕы суут учаастагар, Күннэй Слепцова 50 №-дээх Мирнэй улууһунааҕы суут учаастагар, Николай Дмитриев 53 №-дээх Мэҥэ Хаҥалас улууһунааҕы суут учаастагар, Юрий Никодимов 63 №-дээх Дьокуускай куораттааҕы суут учаастагар, Петр Александров № 52-дээх Алдан улууһунааҕы суут учаастагар мөрөбүөй судьуйаларынан бигэргэннилэр.
Хаартыскаҕа Василий КОНОНОВ түһэриилэрэ
-
0
-
0
-
0
-
0
-
0
-
0
