Бу исписэлиистэр өҥөлөрүгэр билигин даҕаны наадыйыы дьон-сэрго ортотугар улаатан иһэр. Ол эрээри, федеральнай сокуоҥҥа маннык көмөнү оҥоруу билиҥҥэ диэри бэрээдэгэ чуолкайдана илик. Итинэн сибээстэн, күн бүгүн дьон өйүн-санаатын кытта ким баҕалаах бары дьарыктаныан кыахтанар. Манна даҕатан, Госдумаҕа сокуон барыла оҥоһуллан, психологическай көмө сокуонунан мэктиэлэниэхтээх уонна ким дьарыктаныан сөптөөҕө чопчу ыйыллан бигэргэниэхтээх. Бу туһунан Госдума вице-спикерэ, «Биир ньыгыл Арассыыйа» баартыйа генеральнай Сэбиэтин сэкирэтээрин солбуйааччыта Анна Кузнецова кэпсээтэ:
-Психологическай көмөнү оҥорууга сокуонунан бигэргэммит чопчу регламена суох буолан, билиҥҥи судургута суох кэмҥэ эбии кыһалҕалары үөскэтэр. Чахчы көмөлөһөр профессионал-психологтары таһынан, биһиэхэ сымыйа-психологтар ахсааннара хаҥыы турар. Кинилэр дьиҥнээх, үөрэхтээх, идэтийбит психологтар буолбатахтар. Итинник сымыйа экспертэр көмөлөспөттөр, таҥнарытын буортулууллар, эбиитин итэҕэтиини суох оҥорору үөскэтэллэр. Билигин баар бары үчүгэй үлэлэри түмүөхтээхпит уонна хаачыстыбалаах психологическай көмөнү салгыы сайыннарарга кыах биэриэхтээхпит. Ол иһин биһиги саҥа сокуон барылын бэлэмнээтибит.
Сокуон барыла оҥоһуллан, түмүктэнэн эрэр, уопсай структурата өйдөнөр, докумуон ис хоһоонун чопчулаатыбыт. Сотору кэминэн докумуон олоххо киириэ диэн эрэллээхпин. Күһүҥҥү сессия бүтүөр диэри сокуон барылын Госдума көрүүтүгэр киллэрэргэ бары кыһамньыбытын уурабыт.
-
0
-
0
-
0
-
0
-
0
-
0
