Издательский дом Редакция Подписка
Погода в Якутске: . -12 oC

Бүгүн, муус устар 4 күнүттэн, Саха Сиригэр айылҕа баайын харыстааһыҥҥа, туһаныыга, экологическай куттала суох буолуутун хааччыйыыга, Төрүт сокуонунан бу хайысхаҕа киһи быраабын көмүскүүргэ, тулалыыр эйгэни тупсарыыга, эппиэтинэһи сүгэргэ, мөккүөрдэри быһаарарга туһуламмыт Саха Өрөспүүбүлүкэтин Экологияҕа Кодексата күүһүгэр киирдэ.

Бүгүн, муус устар 4 күнүттэн, Саха Сиригэр айылҕа баайын харыстааһыҥҥа, туһаныыга, экологическай куттала суох буолуутун хааччыйыыга, Төрүт сокуонунан бу хайысхаҕа киһи быраабын көмүскүүргэ, тулалыыр эйгэни тупсарыыга, эппиэтинэһи сүгэргэ, мөккүөрдэри быһаарарга туһуламмыт Саха Өрөспүүбүлүкэтин Экологияҕа Кодексата күүһүгэр киирдэ.

Сокуон соруга - тулалыыр эйгэни харыстыырга, айылҕа баайын туһаныыга, быраап, сокуон нуормаларын биир тиһиккэ ситимнээһин. 

Кодексаҕа сүнньүнэн тулалыыр эйгэни, айылҕа баайын, кыылы-сүөлү, ураты харыстанар сирдэри харыстааһыҥҥа, ойуур сыһыаннаһыыларыгар туспа боломуочуйалары олоххо киллэриигэ 10 өрөспүүбүлүкэтээҕи сокуон сүрүн нуормалара киирбиттэрэ .

Санаттахха, СӨ Экологияҕа Кодексата СӨ Бырабыыталыстыбатын көҕү­­лээһининэн быйыл олунньу 28 күнүгэр Ил Тумэн 42 уочараттаах пленарнай мунньаҕар сокуонунан бигэргэммитэ. Сокуон барылыгар уопсайа 38 көннөрүү уонна эбии киллэриллибитэ.

Бу иннинэ айылҕа харыстабылыгар СӨ Экологияҕа Кодексатын оҥорорго 2016 сыл ахсынньытыгар Ил Түмэн экологическай доктринатыгар былааннаммыта, ол кэнниттэн маннык быһаарыы 2018 сыл балаҕан ыйыгар «Саха Өрөспүүбүлүкэтин экологическай туругун тупсарыы туһунан» СӨ Ил Дарханын ыйааҕыгар суруллубута. Салгыы 2021 сыл ахсынньытыгар Ил Түмэҥҥэ бастакы ааҕыыны ааспыт сокуон барылын муниципальнай тэриллиилэринэн, улуустарынан (оройуоннарынан) бэрэстэбиитэллээх уорганнарга ыытыллыбыта. 2022 сыл устата СӨ Экологияҕа Кодексатын оҥорууга биэдэмистибэлэр икки ардыларынааҕы анал оробуочай бөлөх үлэлээбитэ.

Билигин Татарстан, Башкортостан Өрөспүүбүлүкэлэрин уонна Санкт-Петербург куораты кытта Саха Өрөспүүбүлүкэтэ Экологияҕа Кодексатын ылыммыт төрдүс эрэгийиэннэр ахсааныгар киирэр.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением