Куоластааһын 2024 с. тохсунньу 24 күнүгэр көһөрүлүннэ диэн «Үөһээ Бүлүү» хаһыат эрэдээксийэтэ оройуон быыбардыыр хамыыһыйатын быһаарыытыгар сигэнэн иһитиннэрдэ.
«СӨ Үрдүкү суутун сокуоннай күүһүгэр киирбиитинэн, биир регистрацияны ааспыт хандьыдаат хаалбытынан уонна быыбар туһунан сокуоҥҥа олоҕуран, Үөһээ Бүлүү оройуонун баһылыгын быыбарыгар 2024 с. тохсунньу 24 күнүгэр диэри хандьыдааттар эбии туруораналларыгар быһаарыы ылылынна», - диэн иһитиннэриигэ этиллэр.
Санатан эттэххэ, киэһэ сэтинньи 16 күнүгэр Үөһээ Бүлүү оройуонун баһылыгын быыбарыгар сэтинньи 19 күнүгэр болдьох иннинэ куоластааһын СӨ Үрдүкү суутун быһаарыыта олоххо киирбитинэн сибээстээн, үс хандьыдааттан иккитэ уһуллубуттара биллэр.
-
0
-
0
-
0
-
0
-
0
-
0
