Ити туһунан кини сэтинньи 17 күнүгэр Санкт-Петербург куоракка норуоттар икки ардыларынааҕы култуурунай пуорумҥа иһитиннэрдэ.
«Биллэн турар, сокуон барылын өйүөхпүт. Ымпыгын-чымпыгын билбэппин эрээри, көрүөхпүт», — диэтэ бэрэсидьиэн докумуон ааптарыгар, Госдумаҕа Куултуураҕа кэмитиэтин бэрэссэдээтэлэ Елена Ямпольская көрдөһүүтүгэр.
Бу иннинэ Ямпольская омук тылын кытта охсуһуу туһунан сокуон барыла Роспотребнадзор концептуальнай өйөбүлүн ылан, сотору Госдумаҕа киллэриллиэҕэ диэн эппитэ. Көҕүлээһин ирдэбилинэн, юридическай сирэйдэр омук тылынан оҥорон таһаарыылара уонна биллэриилэрэ нуучча тылыгар булгуччу хатыланыахтаах. Сыала- соруга - нуучча тылын көмүскээһин уонна омук тылын аһаҕас эйгэҕэ туһаныы элбээбитин хааччахтааһын. Чуолаан, сокуону оҥорооччулар олорор дьиэ комплекстарыгар, уулуссаларга уонна кыбаарталларга нуучча тылын эрэ туһанарга ыҥыраллар.
Федерация Сэбиэтин спикерэ Валентина Матвиенко омук тылын оннугар элбэхтик нуучча тылынан суруйарга уонна кэпсэтэргэ ыҥырбыта. «Мин аһаҕас былаас бэрэстэбиитэллэрин кытары элбэхтик алтыһабын уонна быһаарабын: модератор - ыытааччы, дедлайн — толоруу болдьоҕо, кофе-брейк- сынньалаҥ, - диэн бэрэссэдээтэл холобурдары аҕалла.
-
0
-
0
-
0
-
0
-
0
-
0
