Маннык сокуон барылын оҥорорго Ил Түмэн бэрэссэдээтэлэ Алексей Еремеев көҕүлээбитэ. Бу административнай мэһэйдэри туоратарга уонна сокуон аахталарын ылыныытын көдьүүһүн үрдэтэргэ оҥоһуллар мэхэньииһим. Урбаанньыттар үлэлэригэр, дьыалаларыгар дьайымтыалаах хааччахтары тохтотор соруктаах, ороскуоттарын аччатар сыаллаах нуормалыыр быраап аахталарын бырайыактара чинчийиллэн оҥоһуллаллар. Онуоха эрэгийиэн инвестиционнай үтүө тардыытын тупсарыахтаах. Бу мэхэньииһим аан дойду 50-тан тахса дойдуларыгар таһаарыылаахтык үлэлиир.
Ил Түмэн Урбааҥҥа, туризмҥа уонна инфраструктураны сайыннарыыга сис кэмитиэтин бэрэссэдээтэлэ Алексей Корнилов аахталар бырайыактарын бэрээдэктээһин өрөспүүбүлүкэҕэ 2014 сылтан киирэрин бэлиэтээтэ. Маннык нуормалар урут олоххо киирбит сокуоннарга бааллар. Ол эрээри, урбаанньыттар бэлиэтииллэринэн, билигин сорох тутаах дьайыылары ыытыыга быраап өттүнэн быһаарыыта суох хаалаллар.
Сокуону ылыныы аахталар хаачыстыбаларын үрдэтиигэ эрэ буолбакка, урбаан субъектарын бырааптарын уонна сокуоннай интэриэстэрин көмүскээһинин таһымын, өрөспүүбүлүкэ экэниэмикэтин сайыннарыыга тиэрдэр.
-
1
-
0
-
0
-
0
-
0
-
0
