Издательский дом Редакция Подписка
Погода в Якутске: . -26 oC

Күндү эбэлэри, күн-күбэй ийэлэри, тапталлаах кэргэттэри, амарах эдьиийдэри-балыстары, кэрэчээн кыргыттары сааскы маҥнайгы бырааһынньыгынан - Аан дойду дьахталларын күнүнэн  итиитик-истиҥник эҕэрдэлиибин!

Күндү эбэлэри, күн-күбэй ийэлэри, тапталлаах кэргэттэри, амарах эдьиийдэри-балыстары, кэрэчээн кыргыттары сааскы маҥнайгы бырааһынньыгынан - Аан дойду дьахталларын күнүнэн  итиитик-истиҥник эҕэрдэлиибин!

Сандал сааһы, сырдаабыт уонна чэмэлийэ тыгар күнү кытта дьүөрэлии буолан, бу бэлиэ күн олус ураты кэрэ.
Сир үрдүгэр дьахтар баһылаабатах идэтэ суох,  үөрэххэ, үлэҕэ, спорка, култуураҕа онтон да атын олох бары салаатыгар эһиги ситиһиилэргит биһиэхэ холобур буолар. Биһиги тыйыс айылҕалаах дойдубутугар үрүҥ илгэни үрүлүтээччилэр, уйгуну, быйаҥы дэлэтээччилэр -  тыа сирин үлэһит Далбардара хас биирдиигитигэр барҕа махтал!
IMG 20230308 WA0105
Сир үрдүгэр таптал, кэрэ иэйии дьахтары кытта дьүөрэлии. Ийэ, кэргэн, кыыс оҕо – киһиэхэ саамай күндү, саамай тапталлаах дьоннор. Кинилэр оҕо төрүүр, улаатар ньээкэ уйатын, эр киһи кута-сүрэ тохтуур отуутун араҥаччылара.

Дьахтар тулуура-дьулуура орто дойдуга или-эйэни, үтүөнү-кэрэни сайар, уопсастыбаны түмэр, ситимниир. Эһиги оттубут аал уоккут хаһан да умуллубатын, алаһа дьиэҕит иһигэр нус-хас, сарсыҥҥыга эрэллээх олох олохсуйдун.

Эркин курдук эрэллээх эр дьоҥҥут күөнүгэр дьахтар быһыытынан толору дьоллонуҥ! Сарыал курдук сандаарыҥ, күн курдук күндээриҥ, күлэн-үөрэн мичилийиҥ!

Таптааҥ-таптатыҥ! Кэнчээри ыччаккыт кэхтибэт кэскилин, төлкөлөөх түөрэҕин түстээҥ! Саргы салалыннын, уйгу олохтоннун, дьол тосхойдун!

Эҕэрдэни кытта, Ил Түмэн дьокутаата Руслан Еремеевич Федотов
  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением