Бастакынан, норуот дьокутаатыгар 54 оробуочай ыстаастаах, «Сэрии оҕолоро» ыстаатыстаах олохтооҕо көрдөһүүлээх таҕыста. Кини тэлгэһитин күрүөлээһиҥҥэ, бөҕү-сыыһы ыраастааһыҥҥа уонна оттук маһы хомуйууга наадалааҕын көрдөстө. Маны таһынан, социальнай-чэбдигирдэр кииҥҥэ реабилитациялааһыны ааһарга көмө оҥоһулларын туоһуласта. Антонина Григорьева көрдөһүүлээххэ тэлгэһэни тупсарыыга араас үлэлэргэ устудьуон-волонтердар көмө оҥоруохтарын иһитиннэрдэ. Ону тэҥэ инбэлииттэри реабилитациялыыр өрөспүүбүлүкэтээҕи социальнай-чэбдигирдэр кииҥҥэ эмтэнии боппуруоһа эмиэ быһаарыллыаҕар эттэ.
Иккиһинэн, Б.А. Горбатюк аатынан 15 №-дээх орто оскуолатын салалтата оскуола эбийиэгэр эбилик дьиэ тутуутун туһунан ыйытык биэрдэ. Оскуолаҕа 1200 оҕо үөрэнэр, онон эбии миэстэ суоҕунан ааҕыллар. Эбилик дьиэҕэ успуорт саалата, таҥас уурар хос уонна остолобуой арыйар былааннаахтар.
Үсүһүнэн, научнай-педагогическай каадыры бэлэмнээһин боппуруоһунан гражданин Н таҕыста.
Төрдүһүнэн, Губинскай уокурук дьахталлар Сэбиэттэрин бэрэссэдээтэлэ С 203 микрооройуоҥҥа арыгы атыылааһынын уонна ол эбийиэктэри бэрээдэктээһиҥҥэ көмөлөһөр туһунан көрдөстө. Итини таһынан оройуоҥҥа тир эбийиэгэ кырыктаах вывескалааҕынан бэрээдэктээһини эрэйэрин туһунан биллэрдэ. Аны табах бородууксуйатын атыылыыр маҕаһыын оҕо былаһааккатын кытта кэккэлэһэ турарыттан дьиксинэрин эттэ.
- Оҕо уһуйааныгар айанныыр суолунан оҕом күн аайы табах маҕаһыын, саа-сэбиргэл вывескалаах тир эбийиэгин көрөр. Биһиги оройуоммутугар биир да үчүгэй көстүүлээх баннеры көрбөппүн, - диэн 203 микрооройуон олохтооҕо муҥатыйар. Ону таһынан гражданнар «Үтүө ыаллыылар» искибиэргэ сөптөөх үлэ оҥоһуллубатын ыйдылар. Холобур, быйыл онно Саҥа Дьыллааҕы харыйа туруоруллубатах. Итини таһынан олохтоохтор Ефимов уулусса суолун тутуутун, ону тэҥэ уопсастыбаннай бэйэни салайыныы граннарын туһаныы боппуруостарын интэриэһиргээтилэр.
Кэмитиэт бэрэссэдээтэлэ киирбит боппуруостарга хоруйдаата. Гражданнар этиилэрэ ситэриилээх уонна муниципальнай былаас уорганнарын, тэрилтэлэри уонна биэдэмистибэлэри кытта салгыы үлэлииргэ хонтуруолга ылылынна.
-
0
-
0
-
0
-
0
-
0
-
0
