Дойду 73 эрэгийиэниттэн, 574 кыттааччыттан барыта 926 практикалар куонкуруска киирбиттэр. Онтон 11 номинацияҕа РФ субъектарын 53 бэрэстэбиитэлиттэн 218 сайаапка талыллыбыт. Финал сарсын, ахсынньы 8 күнүгэр, Москва к. буолуоҕа.
Бырайыак чэрчитинэн үлэни булбуттар ахсааннара сылтан сыл үүнэ турар. 2017 сыллаахха ѳрѳспүүбүлүкэ олохтоохтоорун ахсааннарыттан 2,9 тыh. кэриңэ олохтоох каадырдар үлэ миэстэтинэн хааччыллыбыт буоллахтарына, ааhан эрэр сыл барыллааhын түмүктэринэн бу бырайыагынан 12,1 тыh. тахса киhи үлэ булбут. Кинилэртэн 6,7 тыh. киhи — бу 35-гэр диэри саастаах эдэр дьон. Ол былырыыңңытааҕар 9% -нан ордук.
2017 сылтан саҕалаан билиңңэ диэри промышленнай хампаанньаларга 48,6 тыh. тахса Саха Сирин олохтоохторо үлэлэммиттэр, ол иhигэр 23,8 тыh. тахса эдэр ыччат.
Санаттахха, олохтоох каадырдары промышленноска тардар уонна сыhыарар практикалары кэңэтэр соругу Ѳрѳспүүбүлүкэ Баhылыга Айсен Николаев туруорбута.
«Олохтоох каадырдары промышленноска» эрэгийиэннээҕи бырайыакка промышленность, тутуу, тырааныспар уонна суол хаhаайыстыбатын, энергетика салааларын 43 хампаанньалара кытталлар.
Үлэ булар эбэтэр үѳрэтии кэнниттэн үлэнэн хааччыллар баҕалаах дьон олорор сирдэринэн нэhилиэнньэ дьарыктаах буолуутун Кииннэригэр, итиэннэ НаВахту.рф. сайт нѳңүѳ сайаапка биэриэхтэрин сѳп.
-
0
-
0
-
0
-
0
-
0
-
0
