Мунньахха иһитиннэрбиттэринэн, былааннаммыт 2494 элбэх кыбартыыралаах дьиэттэн билигин 1980-ҥҥа ититэр ситимин сайҕааһын ыытыллан, былаан 76 % туолан иһэр. Оттон киин ититэр ситимнэри бэрэбиэркэлээһин былааннааммытыттан 58,3 % дьиэҕэ ыытыллыбыт, бэлэм буолуу аактата 2815 дьиэттэн 1084-кэ бэриллэн, 38 % толоруллубут. Бэлэм буолуу пааспара 463 дьиэҕэ туттарыллыбыт.
Ититэр ситими сайҕааһын 343 социальнай эбийиэккэ ыытыллыахтааҕыттан 262-гэр оҥоһуллан, былаан 76 % туолбут. Бу эбийиэктэртэн бэлэм буолуу пааспарын 95 эрэ ылан, былаан 25,6 % туолан иһэр.
СӨ Элбэх кыбартыыралаах дьиэлэри хапытаалынайдык өрөмүөннэһин Пуондатын иһитиннэриитинэн, 22 элбэх кыбартыыралаах дьиэҕэ ититэр ситимнэри хапытаалынайдык өрөмүөннээһин ыытыллыахтааҕа былааннаммыт кыраапыгынан толоруллан иһэр.
Биллэрин курдук, билигин киин куоракка 14 итиинэн хааччыйар тэрилтэ үлэлиир, ититэр ситим уопсай уһуна 645 км. тэҥнэһэр.
Мунньах түмүгэр Егор Кардашевскай өрөмүөн үлэтин барытын болдьоммут кэмигэр, бытаарбакка бүтэрэргэ уонна кыһыҥҥы кэмҥэ үлэлииргэ бэлэм буолуу пааспарын хойутаппакка ыларга сорудахтаата.
Хаартыскалар куйаар ситимиттэн ылылыннылар
-
0
-
0
-
0
-
0
-
0
-
0
