Прокурордар сүрүн соруктарынан, тахсыбыт быһыыга-майгыга сөптөөх сыанабыл туруоруу, уоттан эмсэҕэлээһини миэстэтигэр тиийэн көрүү ыытылынна. Улуус баһылыга Никита Андреев сэлиэнньэҕэ куттал суоһуоҕуттан миэстэтигэр баар буолан, турбут уот билиҥҥи балаһыанньатын сиһилии сырдатта. Кэлбит бөлөх уоту умулларыыга утары охсуһа кэлбит байыаннайдары, бу кэмҥэ сэлиэнньэҕэ баар тустаах тэрилтэлэр үлэһиттэрин кытта көрүстүлэр, туох үлэ ыытыллыбытын билистилэр.
Ону таһынан, ханнык быһаарыллыбатах кыһалҕалар өссө да баалларын туһунан ыйыталастылар. Хас биирдии эмсэҕэлээбит дьон толору испииһэгин суһаллык толорон СӨ Прокуратуратыгар ыыта охсоллоругар тустаах үлэһиттэри сорудахтаатылар.
Санатар буоллахха, оройуоннааҕы Киин балыыһа кылаабынай бырааһын солбуйааччы Жанна Андреева иһитиннэриитинэн, Атамайга фельдшерскэй- акушерскай пуун үлэлиир. Киин балыыһаҕа быраас уонна медбрат дьуһуурустубалыыллар. Докумуоннар уонна медтиэхиньикэ ыаллыы дэриэбинэҕэ барыта көһөрүллүбүт. Инбэлииттэр, кырдьаҕастар уонна оҕолор эвакуацияламмыттар.
-
0
-
0
-
0
-
0
-
0
-
0
