Ол туһунан ойуур баһаарыгар эмсэҕэлээбит Бэс Күөлүн чөлүгэр түһэрии үлэтин салайар СӨ Бырабыыталыстыбатын бэрэссэдээтэлин бастакы солбуйааччы Дмитрий Бердников иһитиннэрдэ.
«Бу нэдиэлэҕэ тутуу тиэхиньикэлэрин нэһилиэнньэлээх пууҥҥа тиэртэхпитинэ, акылаат атахтара турар сирин буурдааһын үлэтин саҕалыахпыт. Маныаха дьиэ исхиэмэлэрин быһаарыыта бэлэм. Билигин олохтоохтору кытары дуогабар түһэрсэллэр», -- диэн кини эттэ.
Билигин уот ылбыт сирин ыраастааһын, бөҕү-саҕы, умайбыт тутуулартан хаалбыт хардаҕастары сыбаалкаҕа таһаараллар. Итини таһынан суһал ыстаап иһитиннэрбитинэн, Тыа хаһаайыстыбатын министиэристибэтэ уокка дьиэлэрин, хаһаайыстыбаларын былдьаппыт дьону кытта үлэлэһэ сылдьар, бу ый бүтэһигэр кинилэргэ бэриллэр харчынан толуйуу кээмэйин быһаарыахтара.
-
0
-
0
-
0
-
0
-
0
-
0
