Хаҥалас улууһун баһылыгын социальнай боппуруоска солбуйааччыта Николай Степанов, 1 Малдьаҕар нэһилиэгин баһылыга Иван Рыгунов, Хаҥалас улууһун нэһилиэнньэ социальнай көмүскэлигэр уонна үлэҕэ управлениетын социальнай көмө отделын начаалынньыга Саргылаана Явкина, Хаҥалас улууһун киин балыыһатын акушерскай-гинекологическай сулууспатын сэбиэдиссэйэ Анисия Ефремова биир дойдулаахтарын, дьоллоох дьиэ кэргэни истиҥ-иһирэх тылынан уруйдаатылар. Өрөспүүбүлүкэтээҕи клиническэй балыыһа кылаабынай бырааһа Алена Никитина үөрүүлээх күнүнэн эҕэрдэ тылларын эттэ.
Давыдовтар аҕыс кыыстаахтар уонна икки уоллаахтар, кинилэр онус оҕолорун күн сирин көрдөрбүттэрэ «Дьиэ кэргэн» нассынаалынай бырайыак, судаарыстыба, эрэгийиэн элбэх оҕолоох ыаллары өйүүр көмөтө көдьүүстээҕин туоһулуур.
Маннык үөрүүлээх дьоллоох түгэн дьиэ кэргэн, таптал өрө тутуллан, үрдүктүк сыаналанарын кэрэһэлиир. Давыдовтар дьиэ кэргэттэригэр чэгиэн доруобуйаны, дьолу-соргуну баҕарабыт!
Хаартыска: СӨ Үлэҕэ уонна социальнай сайдыыга министиэристибэтэ.
-
0
-
0
-
0
-
0
-
0
-
0
