Ааспыт нэдиэлэҕэ Саха Сирин сүрүн тэрилтэлэрэ, ону тэҥэ былаас уорганнара Meta хампаанньа платформаларыттан, чуолаан Instagram уонна Facebook өҥөлөрүттэн, күргүөмүнэн аккаастаналларын иһитиннэрдилэр. Нэһилиэнньэни кытта үлэлииргэ үрдүкү былаастар Арассыыйа «ВКонтакте» уонна «Одноклассники» платформаларыгар көһөргө сүбэлээтилэр. Ол эрээри билигин үгүстэрэ урут киэҥник туһаныллыбат Telegram Systems LLP. хампаанньа бас билэр Telegram платформатыгар анал ханааллары арыйдылар. Маны сэргэ судаарыстыбаннай уорганнар социальнай ситимнэргэ официальнай страницалары арыйарга эбээһинэстэрэ сокуонунан бигэргэтиллиэн сөп. Сокуон барылын Госдума дьокутаата Александр Хинштейн бэлэмнээтэ. Саҥа кэм ирдэбилинэн, гражданнар иһитиннэриилэри суһаллык ылалларыгар, соҕотох саайт информацията наадыйыыны толуйбатын сокуону көҕүлээччи быһаарар.
Бырайыак «официальнай страница» диэн өйдөбүлү киллэрэр уонна судаарыстыбаннай уорганнарга, ол иһигэр биэдэмистибэлэргэ, олохтоох салайыныы уорганнарыгар, социальнай ситимнэргэ маннык страницалары үөскэтиигэ уонна туһаныыга, ыытар үлэлэрин туһунан туһалаах иһитиннэриилэри оҥорорго эбээһинэстэри киллэрэр.Сокуон быһыытынан, сонуннары оҥорор уонна көннөрүүлэри киллэрэри хааччыйар судаарыстыбаннай өҥө «Госуслуги» порталын базатыгар РФ цифровой сайдыыга, сибээскэ уонна маассабай коммуникацияларга министиэристибэтэ тэрийиэхтээх.
Meta хампаанньа бэлиитикэтигэр уларытыылары киллэрбитинэн, СӨ Ил Түмэнэ уонна «Ил Түмэн» издательскай дьиэ Facebook уонна Instagram сыһыарыылары туһанартан аккаастанарга быһаарыы ылынна.
СӨ Ил Түмэн үлэтин туһунан сонуннары кэтээн көрүөххэ сөп:
– официальнай сайт: http://iltumen.ruтelegram-ханаал: https://t.me/iltumen
Арассыйатааҕы социальнай ситимнэргэ:
– «ВКонтакте»: http://vk.com/il.tumen
– «Одноклассники»: http://ok.ru/group/62401979285703
Оттон Сахапарламент.ру сайт уонна «Ил Түмэн» хаһыат сонуннарын:официальнай сайт: http://sakhaparliament.ru
тelegram-ханаал: https://t.me/sakhaparliament
– «ВКонтакте»: http://vk.com/sakhaparliament
Александр Хинштейн кэпсииринэн, судаарыстыбаннай страницаларга сурутааччылар ахсааннара 55 мөлүйүөҥҥэ тиийдэ. Сокуон ылыллар түгэнигэр, бэс ыйын 1 күнүттэн күүһүгэр киириэҕэ. Билигин сокуон барыла Госдумаҕа бастакы ааҕыыга бэлэмнэнэр.Санаттахха, Telegram платформа дааннайдара аан дойду үрдүнэн биэс араас сиргэ баар. Европа туһанааччыларын Лондон хааччыйар, Азия олохтоохторун — Сингапур, оттон Мексикаҕа — Сан-Франциско.
Интэриэһинэй, тэттик, тэтимнээх сонуннары телеграм-ханаалга көрүҥ.
-
0
-
0
-
0
-
0
-
0
-
0
