Кини дойду территориятыгар барытыгар нуучча тыла судаарыстыбаннай тыл быһыытынан суолтатын үрдэтэргэ уонна кини нуормаларын судаарыстыбаннай сулууспалаахтарынан уонна гражданнарынан тутуһуу хонтуруолун күүһүрдэргэ туһаайыллыбыт.
«Федеральнай сокуон бырайыага, нормативнай тылдьыттарга киирбит нуучча тылыгар уопсай туттуллар аналогтара суох тыллартан ураты, омук тылларын туттуу кѳҥүллэммэтин сабаҕалыыр», - диэн быһаарыллар.
Саҥа сокуон бырайыагынан аныгы нуучча литературнай тылын нуормаларын чиҥэтэр нормативнай тылдьыттар, грамматикалар уонна справочниктар киэҥник киириэхтэрэ.
Ону кытта нуучча тыла судаарыстыбаннай тыл быһыытынан булгуччу туттуллар эйгэлэрэ ыйыллыбыттар: үѳрэх эйгэтэ, судаарыстыбаннай уонна муниципальнай информационнай систиэмэлэр, табаардары, үлэлэри уонна ѳҥѳлѳрү туһанааччыларга информация. Ѳскѳтүн омук тылынан суруллубут тиэкис баар буоллаҕына, тылбааһа эмиэ маннык кээмэйдээх, тииптээх уонна ѳҥнѳѳх шрибынан оҥоһуллуохтаах.
Нуучча тыла судаарыстыбаннай тыл быһыытынан туттулларыгар аныгы литературнай нуормаларга сѳп түбэспэт тыллары уонна этиилэри, ол иһигэр цензурнайа суох үѳхсүүнү, туттар кѳҥүллэммэт.
-
0
-
0
-
0
-
0
-
0
-
0
