Бүгүн, от ыйын 17 күнүгэр, «Биир ньыгыл Арассыыйа» баартыйа Саха Сиринээҕи салаата туруорбут хандьыдаата Айсен Николаев СӨ Ил Дарханын быыбарыгар докумуонун туттаран, регистрацияны ааста.
Санаттахха, от ыйын 26 күнүгэр диэри СӨ Ил Дарханын быыбарыгар хас биирдии хандьыдаат илии баттааһыннары хомуйуохтаах, ол эбэтэр «муниципальнай сүүмэрдээһини» ааһыахтаах. Ол өрөспүүбүлүкэ 257 дьокутааттарыттан уонна баһылыктарыттан хомуллуохтаах. Норуот дьокутааттын быыбарыгар 6 бэлитиичэскэй баартыйалартан регистрацияны ааһарга илии баттааһыннары хомуйуу ирдэммэт. Оттон муниципальнай таһымнаах быыбардарга докумуоннары от ыйын 31 күнүгэр диэри тутуохтара. Билигин да бириэмэ баар.
Евгений Федоров, СӨ Киин быыбардыыр хамыыһыйатын бэрэссэдээтэлэ «Якутск Вечерний» хаһыат кэрэспэндьиэнигэр Саха Сирин быыбардыыр хампаанньатын туһунан бэйэтин сабаҕалааһынын эттэ:
— Быйылгы парламеҥҥа «Новые люди» фракция 100% чопчу баар буолуоҕа. Ол эрээри, 2021 сыллааҕы быыбар түмүгэ хатыланыа суоҕа. Урукку быыбарга курдук, хомуньуустар ситиһиилэрэ кыаллыбата буолуо. «Сиэрдээх Арассыыйа – Кырдьык иһин» баартыйа ааспыт сырыыга алҕастары таһаарбыта, быйыл көннөрүнүө диэн бигэ эрэллээхпин. ЛДПР бэйэтин кирбиилэригэр оннунан хаалыаҕа. Оттон «Родина» баартыйа 5%-наах харгыһы туоруо дии саныыбын.
-
1
-
0
-
0
-
0
-
0
-
0
