Издательский дом Редакция Подписка
Погода в Якутске: . 3 oC

Судаарыстыба Аҕа Баһылыга Владимир Путин Федеральнай Мунньахха анал ТуҺаайыытын киирии тылыгар Арассыыйа бары дойдулары кытта куттал суох буолуутун туһунан тэҥник кэпсэтэргэ бэлэмин биллэрдэ, Арҕаа дойдулары кытта сыһыаны таарыйда итиэннэ ураты болҕомтону Анал байыаннай дьайыы кыттыылаахтарыгар ууран, кинилэри өйүүр дьаҺалларга тохтоото.

Судаарыстыба Аҕа Баһылыга Владимир Путин Федеральнай Мунньахха анал ТуҺаайыытын киирии тылыгар Арассыыйа бары дойдулары кытта куттал суох буолуутун туһунан тэҥник кэпсэтэргэ бэлэмин биллэрдэ, Арҕаа дойдулары кытта сыһыаны таарыйда итиэннэ ураты болҕомтону Анал байыаннай дьайыы кыттыылаахтарыгар ууран, кинилэри өйүүр дьаҺалларга тохтоото.

Ол курдук, элбэх оҕолоох итиэннэ эдэр ыаллары өйүүр чэпчэтиилээх ипотека итиэннэ ийэ хапытаала 2030 сылга диэри уһатыллыбытын, үөрэҕирии уонна култуура эйгэлэригэр, доруобуйа харыстабылыгар туһуламмыт сайдыы быҺаарыылара дьиэ кэргэн олоҕун биллэрдик тупсарыа.

Инники алта сыллааҕы дойду сайдыытыгар туҺаайыллыбыт стратегическай былааҥҥа "Дьиэ кэргэн", "Уһун уонна көхтөөх олох", "Земскэй култуура үлэҺитэ", "Каадырдар" итиэннэ  "Экономика чахчылара" национальнай бырайыактар олоххо киирэллэрин туһунан бэлиэтээтэ. Маны таһынан, үөрэҕирии хайысхатыгар кулун тутар 1 күнүттэн кылаас салайааччыларыгар, орто анал үөрэхтээҺин  тэрилтэлэрин кураатардарыгар 10-нуу тыҺыынча солкуобай эбии төлөбүр итиэннэ оскуолаларга уонна колледжтарга иитэр үлэҕэ дириэктэрдэр сүбэһиттэригэр ыйга 5-тии тыһыынча солкуобайга диэри эбии төлөбүр олохтонорун туҺунан этиитин сэргээтилэр.

Арассыыйа Бэрэсидьиэнэ дьиэ кэргэн бигэ тирэхтээх, кэнчээри ыччат үөрэхтээх, сайдыылаах буоларын туҺугар улахан болҕомтотун уурбутун бэлиэтээн тэрээһин тыһыынчанан кыттыылааҕа сүһүөҕэр туран ытыс тыаҺынан көрүстэ. Ону сэргэ, элбэх оҕолоох ыалга ситэриллибит анал федеральнай бырайыактар уонна бырагыраамалар үлэлиэхтэрэ. Владимир Владимирович хас биирдии дьиэ кэргэн дойдубут култууратын, төрүт үгэстэрин иҥэринэ сылдьар, дойду инникитин түстүүр кэнчээри ыччата буоларын тоҺоҕолоон  бэлиэтээтэ.

«Биир улахан дьиэ кэргэн курдук Арассыыйабыт кэскилин туһугар бары бииргэ түмсэн үлэлиэххэ. Мин дойдубут инники кэскилигэр эрэнэбин уонна итэҕэйэбин», - диэн тылларынан Владимир Путин бэйэтин анал ТуҺаайыытын түмүктээтэ.

Альбина ПАВЛОВА

  • 4
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением