Издательский дом Редакция Подписка
Погода в Якутске: . -12 oC

1764874553 0 227 3072 1955 1920x0 80 0 0 59022ec6f6ddd8919cb474906ae10009

Алексей Еремеев, Саха Өрөспүүбүлүкэтин Ил Түмэнин Бэрэссэдээтэлэ:                                      

- Күндү биир дойдулаахтарым! Саха Өрөспүүбүлүкэтин Ил Түмэнин аатыттан 2023 сылынан уонна Ороһооспонон итиитик-истиҥник эҕэрдэлиибин!

Саҥа дьыл алыптаах бырааһынньыгын күүппэт киһи, арааһа, суоҕа буолуо. Оҕо саас аптаах кэмигэр курдук, харыйабытын симиибит, баҕа санаабытын этэбит, туох эрэ дьиктини-кэрэни, сырдыгы-ырааһы эрэнэ күүтэбит. Саҥа дьыл бырааһынньыга үс үйэ устатыгар биһиги дойдубутугар биир саамай күүтүүлээх бырааһынньыгынан буолар. Ити кэм тухары үтүө да, мөкү да, киэҥ далааһыннаах да, бытархай да, үөрүүлээх да, хомолтолоох да үгүс түгэн буолан ааста. Саҥа 2023 сылы көрсө, буоларын курдук, түмүк таһаарабыт, саҥа сыал-сорук туруорабыт, дойдубут саргылаах сарсыҥҥытын туһугар, дьиэ кэргэммит уонна оҕолорбут туһугар салгыы айабыт-тутабыт.

Үүммүт сылга баҕарбыт баҕа санааҕыт барыта туолуохтун, саҥа дьыл үтүөнү, сырдыгы эрэ түстээтин. Үлэ Сыла кынаттаах кыайыыларга, саҥа саҕахтарга сирдээтин!

Чугас дьоҥҥутугар, дьиэ кэргэҥҥитигэр баҕарабын кытаанах доруобуйаны, үтүө туругу, самныбат саргыны уонна бары үтүөнү-кэрэни! Саҥа дьыл уонна Ороһооспо бырааһынньыктарыгар эһиги дьиэҕит үөрүүнэн-көтүүнэн, сылаас сыһыанынан, уостубат тапталынан туоллун!

1629872361 grigorev 1

Госдума дьокутаата Юрий Григорьев:

- Ытыктабыллаах Саха Сирин олохтоохторо! 2023 сылынан уонна Ороһооспонон ис сүрэхпититтэн барыгытын эҕэрдэлиибин!

Күндү доҕоттор! 2022 сыл историяҕа уонна биһиги өйбүтүгэр-санаабытыгар дойду үрдүнэн бүттүүн түмсүүбүтүн көрдөрөр бэлиэ сылынан хаалыаҕа. Билигин кэлэр сылга үтүө уларыйыылар биһиэхэ эрэли үөскэтэллэр. Ол эрээри, бу ааспыт сылга буолбут балаһыанньалары араарар кыаллыбатын өйдүүбүт. Биһиги элбэх ыарахаттары көрүстүбүт, ол гынан, уустук усулуобуйаҕа олорорго, баар соруктары быһаарарга үөрэннибит, сомоҕолоһуу күүһүнэн быһаарар кыахтанныбыт. Ааһан эрэр сылы Саха Өрөспүүбүлүкэтигэр үтүө санаалаах атаарабыт: туруоруллубут былааннары олоххо киллэрдибит уонна соруктары, былааннаммыт сыаллары ситистибит. Саха АССР тэриллибитэ 100 уонна Дьокуускай куорат 390 сыллаах үбүлүөйдэригэр саҥа үрдүк ситиһиилэри бэлиэтээтибит. Барыгытын итиитик-истиҥник эҕэрдэлиибин! Бастакытынан, кытаанах доруобуйаны баҕарабын. Оттон үлэҕэ, үөрэххэ, айар үлэҕэ ситиһиилэр, биллэн турар, эбиллэн биэриэхтэрэ. Хас биирдии ыалга үөрүүлээх түгэннэр баар буоллуннар. Саҥа эдэр ыаллар эбиллэ турдуннар, саҥа оҕолор күн сирин көрдүннэр. Кинилэр чэгиэн-чэбдик, чиэһинэй уонна көҥүл буола улааттыннар. Бэйэбит тапталлаах дьоммут уонна биһиги улуу дойдубут  туһугар сүрэххэ истиҥ тапталбыт туруоруллубут сыаллары ситиһэргэ, саамай үрдүк чыпчаалларын дабайарга көмөлөстүн.

Күндү доҕоттор, Саҥа дьылынан! Саҥа 2023 сылынан!

1m5a0704

Владимир Чичигинаров, Ил Түмэн Доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин бэрэссэдээтэлэ:

- Күндү Сахам Сирин олохтоохторун, Саргылаах Саҥа 2023 сылынан эҕэрдэлиибин! Ааспыт сылга Саха Аптаныамыйалаах Өрөспүүбүлүкэтэ олохтоммута 100 сылын туолбута. Онно, Илин Сибииргэ саамай бастыҥ кардио-сосудистай киин үлэҕэ киирдэ, федеральнай пуондаттан 7,4 млрд эбии үп кэллэ. Бу үгүөрү үп-харчы ыраах сытар Аартыка улуустарын нэhилиэнньэтин эмтээhиҥҥэ мобильнай биригээдэлэри тэрийиигэ, мэдиссиинэ реабилитациятыгар, балыыhалары хааччыйыыга, о.д.а. сыалларга ананыаҕа. Санитарнай авиация федеральнай үбүлээһинэ улаатта. Инфекционнай балыыhатын тутуута Федерация Сэбиэтин уурааҕар киирдэ. Быйыл саҥа онкологическай киин үлэҕэ киириэҕэ.

Күн бүгүн хамсык ыарыы тарҕаныытын утары мэдиссиинэ үлэһиттэрэ ситиhиилээхтик үлэлииллэр. Социальнай көмүскэлгэ, намыhах дохуоттаах нэhилиэнньэ араҥатын дохуотун улаатыннарарга үгүс үлэ барар, холобур, социальнай хантараак диэн хайысха үбүлээһинэ быйыл эбилиннэ.

Кэлэр сылга чэгиэн, чөл, дьоллоох олоҕу! Ситиhиилээх, үтүө түмүктээх үлэни-хамнаһы баҕарабын!

WhatsApp Image 2020 06 16 at 15.30.58 e1592303106862

Мичил Николаев, Ил Түмэн саамай эдэр дьокутаата, анал байыаннай дьайыы хонууларыттан эҕэрдэтин эттэ: - Күндү биир дойдулаахтарым, Саха Сирин олохтоохторо уонна ыалдьыттара! Саҥа 2023 сылынан итии-истиҥ дорҕоонноох эҕэрдэ буолуохтун. Дойдум дьонугар баҕарыам этэ күүстээх санааны, туругу, эрэли, чэгиэни уонна бары үтүөнү. 2023 сыл аҕаллын: Эйэни! Дьолу! Түмсүүнү! Дьиэ кэргэҥҥитигэр өйөһүүнү, өйдөһүүнү, уостубат тапталы баҕарабын. Үлэҕитигэр, үөрэххитигэр санаабыккыт барыта сатанан, толкуйдаабыккыт тобуллан истин. Ааспыт 2022 сылга ситиспэтэх сыалгытын, кэлэр 2023 сылга ситиһэн, бары өттүгэр кыайыы-хотуу эҥэрдэстин. Айыыларбыт бэттэх көрөн, мичик гынан аартыктаах суолбутун алгыстаатыннар, харыстаатыннар. Саҥа дьылынан! Саҥа дьолунан!

1m5a7521

Андрей Находкин, Ил Түмэн Тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ:

- Ытыктабыллаах Саха Сирин олохтоохторо! Кэккэ ситиһиилэрдээх, уратылардаах, долгутуулаах түгэннэрдээх сыл ааста диэн бэлитиэххэ наада. Саха Аптаныамыйата тэриллибитэ 100 сыллаах үбүлүөйдээх сылын чэрчи­тинэн, элбэх үлэ-хамнас ыытылынна. Саха Сирин хас биирдии олохтооҕо Аан дойдуга буола турар хамсааһыннартан туора турбата, түмсүүлээхпитин, уустук кэмҥэ биир санаалаахпытын өссө төгүл бигэргэттибит! 2023 сылы тыа хаһаайыстыбатын салаатыгар судаарыстыба өттүттэн хаһааҥҥытааҕар да элбэх үптээх-харчылаах, улахан өйөбүллээх көрүстүбүт. Тыа сиригэр олорор-үлэлиир дьоммут-сэргэбит, кэнчээри ыччаттарбыт киин куораттартан итэҕэһэ суох олохтоох буолалларын туһугар үгүс үлэ ыытылынна: суоллар оҥоһулуннулар, оскуолалар тутулуннулар, түргэн интэриниэт ситимэ тардылынна, тупсаҕай оҥоһуулаах пааркалар, болуоссаттар аһылыннылар уонна уулуссалар сырдатылыннылар.

Тыа хаһаайыстыбатынан дьарыктаныан баҕалаах эдэр ыал элбээн иһэрэ эрэли үөскэтэр. Билигин ыал барыта кэриэтэ тэпилииссэҕэ оҕуруот аһын арааһын үүннэрэр, хортуоппуй ыһар, куурусса иитэр, үгүстэр сылгылаахтар. Ким хаһаастаах - ол барыстаах.

Саҥа 2023 дьылга баҕарабын этэҥҥэ буолууну, чэгиэн-чэбдик туругу, хас биирдии ыал сандалытыгар олохтоох ас-үөл толору баар буоларыгар. Үлэ сылыгар үлэҕэ-хамнаска дьүккүөрү, тулууру, ситиһиини!

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением