Билиҥҥи туругунан Саха Сиригэр олохтоох салайыныы 445 муниципальнай тэриллиитэ баар, ол иһигэр: 34 муниципальнай оройуон уонна 2 куораттааҕы уокурук, 48 куораттааҕы уонна 361 тыа сирин поселениета. Сокуон барылынан бу маннык олоҕурбут олохтоох салайыныы тиһигин оннунан хаалларыы көрүллэн турар.
Маннык быһаарыныы олоҕурбут үгэһи учуоттаан, уруккуттан дьайар территориальнай-административнай бэрэдээги тутуһан уонна киэҥ сиринэн тайааһыны бэлиэҕэ тутан ылыныллынна. Ону тэҥэ, миэстэтигэр олоҕурбутунан икки таһымнаах тиһик тыа сирин поселениеларын бэйэлэрин салайыналларыгар уонна былаас нэһилиэнньэҕэ чугаһынан ордук табыгастаах.
Сокуон барылынан көрдөххө:
- Муниципальнай оройуон баһылыга, куораттааҕы уокурук баһылыга Саха Өрөспүүбүлүкэтин Ил Дархана киллэрбит хандьыдааттарыттан муниципальнай олохтоох салайыныы бэрэстэбиитэллэх уорганынан талыллар.
- Куораттааҕы поселение баһылыга, тыа сирин поселениетын баһылыга муниципальнай тэрээһин устаабыгар олоҕуран куонкурснай хамыыһыйа куонкурус түмүгүнэн киллэриллибит хандьыдааттарын иһиттэн муниципальнай тэрээһин бэрэстэбиитэллээх уорганынан талыллар.
Сокуон барылынан көрүллүбүт муниципальнай тэрээһин баһылыгын муниципальнай тэрээһин бэрэстэбиитэллээх уорганынан талыы мэхэньиисимэ дуоһунастаах киһи отчуоттааһынын көдьүүстээх оҥоруоҕа. Ол курдук, бэрэстэбиитээллээх уорганынан талыллыбыт баһылык бу уоргаҥҥа отчуоттууругар ордук эппиэтинэһи сүгүөҕэ уонна өйөбүн ылыаҕа.
Парламент истиилэрэ бу күн 10 ч. 425№-дээх мунньах саалатыгар саҕаланыаҕа.
Хаартыска Ил Түмэн пресс-сулууспата
-
1
-
0
-
0
-
0
-
0
-
0
