В. дьиэ кыыллара куттала суох буолалларын хааччыйарга кинилэр хаһаайыннарыгар эппиэтинэһи сүктэрэргэ сокуон ылыллара наадатын эттэ. Дьон дьиэ кыылларыттан сылтаан ыксаллаах быһыыга-майгыга түбэһэллэрин, ону таһынан араас сыстыганнаах ыарыы тарҕаныан сөбүн санатта. Ол барыта дьиэ кыылын иитэр, көрөр-истэр хаһаайыны кытта сибээстээҕин бэлиэтээтэ. Боппуруоһу салгыы парламент судаарыстыбаннай быраап управлениетыгар ыытыахтара, кинилэр сиһилии үөрэтиэхтэрэ.
Арыйаан Винокуров тыа хаһаайыстыбатыгар сыһыаннаах кэккэ этиилэри киллэрдэ. Кини үүт атыытын үбүлээһинин хааччыйыы боппуруоһугар тохтоото. Санатан эттэххэ, 2025 сыл от ыйыттан алтынньыга диэри үбүлээһини толору көрө иликтэр. Эдэр үлэһиттэр тыа хаһаайыстыбатынан дьарыгырбаттара – эмиэ биир сытыы кыһалҕа. Тыа хаһаайыстыбатын салаатыгар үрдүк уонна орто анал үөрэҕи бүтэрбит исписэлиистэргэ “Земскэй бырааска” дьүөрэлии саҥа бырагырааманы үлэлэтэргэ этии киллэрдэ. “Тыа сирин ипэтиэкэтэ” судаарыстыбаттан өйөбүллээх бырагыраама салгыы үлэлииригэр, кубуотата элбииригэр баҕарда. Нам улууһугар саҥа сибиинньэ комплексын тутуутун эмиэ туруоруста. Ону таһынан кэтэх хаһаайыстыбалаах дьоҥҥо сүөһү төбөтүн ахсаанынан төлөнөр субсидияны тохтотон баран, манна көрүллэр үбү-харчыны сылгы иитэр бааһынай хаһаайыстыбалар ороскуоттарын сабыналларыгар көрөргө этиилээх буолла. Киирбит ыйытыыларга, этиилэргэ толору хоруйу биэрэллэригэр бу боппуруостары СӨ тыатын хаһаайыстыбатын министиэристибэтигэр ыытыахтара.
Василий Кононов хаартыската.
-
0
-
0
-
0
-
0
-
0
-
0
