Издательский дом Редакция Подписка
Погода в Якутске: . -11 oC

PG.ER.RU саайка барыллааһын куоластааһыҥҥа быыбардааччылары бэлиэтээһин ыам ыйын 26 күнүгэр диэри ыытыллар.

PG.ER.RU саайка барыллааһын куоластааһыҥҥа быыбардааччылары бэлиэтээһин ыам ыйын 26 күнүгэр диэри ыытыллар.

Регистрация «Госуслуги» портал нөҥүө оҥоһуллар. Бу быыбардааччылар тус дааннайдарын харыстыырга уонна регистрацияны чэпчэкитик аһардарга оҥоһулунна. Оттон «Биир ньыгыл Арассыыйа» иһинэн хандьыдааттары куоластааһын ыам ыйын 22-28 күннэригэр ыытыллыаҕа.
- «Биир ньыгыл Арассыыйа» баартыйа барыллааһын электроннай куоластааһыныгар 18 саастарын туолбут гражданнар бары кыттыыны ылыахтарын сөп. Сүрүн ирдэбилэ - быыбардыыр уокуруктарыгар регистрациялаах буолуохтаахтар, – диэн «Биир ньыгыл Арассыыйа» баартыйа генеральнай Сэбиэтин сэкирэтээрин солбуйааччы Сергей Перминов иһитиннэрдэ. Кини этэринэн, сыл ахсын барыллааһын куоластааһыҥҥа кыттыбыт дьон ахсаана элбиир.
- Аан бастакытын электроннай барыллааһын куоластааһына 2018 сыллаахха ыытыллыбыта уонна 140 тыһ. кэриҥэ киһи кыттыбыта биллэр. Оттон былырыын 1,2 мөлүйүөнтэн тахса быыбардааччы куоластарын биэрбиттэрэ. Биһиги бырайыакпыт хандьыдааттары таларга олус судургу, эрэллээх уонна сөптөөх ньыма, – диэн бэлиэтиир Сергей Перминов.

Санатар буоллахха, муус устар 27 күнүгэр диэри «Биир ньыгыл Арассыыйа» иһинэн барыллааһын куоластааһыҥҥа хандьыдааттары регистрациялааһын салҕанар. Сайаапканы электроннай көрүҥүнэн PG.ER.RU саайка эмиэ биэриэххэ сөп. Билигин 9 тыһыынчаттан тахса хандьыдаат туруоруммута биллэр. Аҕытаассыйаалыр кэм хандьыдаат регистрацияламмытын кэннэ саҕаланан, ыам ыйын 21 күнүгэр түмүктэнэр. Билигин быыбардааччылар бэлиэтэниини PG.ER.RU саайка муус устар 17 күнүттэн ыам ыйын 26 күнүгэр диэри «Госуслуги» портал нөҥүө ааһыахтара. Муус устар 13 күнүнээҕи дааннайынан, Саха Сиригэр барыта 276 киһи хандьыдаат  сайабылыанньа биэрбитэ биллэр.

Сиһилии хайдах, ханна барыллааһын куолаастааһыҥҥа кыттар туһунан инструкцияны  «Голос Якутии» бырайыакпытыгар киирэн билсиэххэ сөп.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23