Саҥа холбоһук оҕо аймаҕы иитэр, кинилэри идэҕэ туһаайар, иллэҥ кэми туһалаахтык атаарар, итиэннэ дэгиттэр сайдар кыаҕы биэрэр сыаллааҕын докумуон хос ааптардара Галина Карелова, Лилия Гумерова уонна Любовь Глебова бэлиэтииллэр.
Хамсааһыҥҥа саастарын ситэ илик оскуола үөрэнээччилэрэ, анал орто уонна үрдүк үөрэх кыһаларын устудьуоннара уонна тустаах тэрилтэ Устаабынан быһаарыллыбыт дьон кыттыһан үлэлиэхтэрин сөп.
Хамсааһыҥҥа иитии үлэтигэр уонна иллэҥ кэми көдьүүстээхтик атаарыыны тэрийиигэ саастарын сиппит, анал үөрэхтээх дьон, настаабынньыктар үлэлиэхтэрэ.
Хамсааһын маҥнайгы сүһүөх салаалара оскуолаларга, колледжтарга, оҕо дьиэлэригэр тэриллиэхтэрэ. Онуоха сыллата субсидия көрүллүөҕэ. Эрэгийиэннээҕи уонна федеральнай таһымнаах хамсааһыннарга наада буолар мал-сал, тэрил, ол иһигэр оҕо лааҕырдара, Пионердар дыбарыастара, иитэр-үөрэтэр тэрилтэлэр сыһыарыллыахтара.
-
0
-
0
-
0
-
0
-
0
-
0
