Госдуума Бэрэссэдээтэлэ иһитиннэрбитинэн, бу күҥҥэ диэри Бырабыыталыстыбаттан Госдуумаҕа дьону дьэллик ыттартан көмүскүүр биир да этии киллэриллэ илик. «Билигин Бырабыыталастыба сокуону оҥорорго көҕүлүүр быраабын туһаныахтаах. Дойду кыраасданнарын долгутар кыһалҕалаах боппуруостары быһаарарга дьулуһуохтаах», -диэн бэлиэтээтэ.
Кэлиҥҥи нэдиэлэ устатыгар СМИ-га ыттар үс төгүл оҕолорго саба түспүттэрин туһунан информация таҕыста диэн туран: «Бу проблеманы быһаарыыга туора турбакка сөптөөхтүк ылсыахха наада. Дьэллик ыттар оҕо оонньуур былаһааккаларынан, пааркаларынан, искибиэрдэринэн бэйдиэ сылдьыа суохтаахтар. Дьону бу маннык саба түһэр кыыллартан харыстыырга туох баары барытын оҥоруохха наада», -диэн эрэгийиэннэр сөптөөх боломуочуйалаах буолуохтаахтарын ыйда. Ону кытта, Федерация Сэбиэтин сенатордара, эрэгийиэннэр бэрэстэбиитэллэрин быһыытынан дьэллик ыттартан көмүскээһиҥҥэ бэйэлэрин этиилэрин биллэриэхтээхтэрин санатта.
Судаарыстыбаннай Дуума бу иннинэ муус устар 18 күнүгэр ыытыллыбыт пленарнай мунньахха Бырабыыталыстыба аадырыһыгар туһаайан билигин кыыллары тутууга-харайыыга үөскээбит балаһыанньаны чуолкайдыырга бэйэтин позициятын иһитиннэрэригэр уонна кыһалҕаны быһаарыыга этии киллэрэригэр ыҥырбыта.
Хаартыска: Госдуума
-
1
-
0
-
0
-
0
-
0
-
0
