"Саҥа дьон" баартыйа электросамокаттарынан айаны тэрээһиннээх уонна куттала суох гынарга этиилээх — дьиэни тутааччыларга саҥа кыбаарталлары тутуохтарын инниттэн тутуу бырайыагар электросамокаттарынан айаннааччыларга анаан туспа ыллыгы тутары ирдииргэ. "Самокатынан хатааһылааччылар эрэ буолбакка, бэлэм аһы дьиэҕэ диэри тиэрдээччилэр эмиэ күүскэ туһаналлар, онон туспа анал ыллык баара ордук буолуоҕа" – диэн парламентарий саныыр.
Туһааннаах сокуон барылын Судаарыстыбаннай Дуумаҕа номнуо күһүҥҥү сиэссийэҕэ киллэрэр соруктаахтар.
"Биир ньыгыл Арассыыйаҕа" эмиэ электросамокаттарга анаан сөптөөх инфраструктураны, ол иһигэр туспа велодорожкалары уонна балаһалары киллэрэн туран, оҥорорго үлэни салгыыллар", — диэн Федерация Сэбиэтигэр судаарыстыбаннай тутулга кэмитиэти салайааччыны бастакы солбуйааччыта, сенатор Артём Шейкин кэпсээбит.
ЛДПР фракциятын салайааччы Леонид Слуцкай электросамокаттаахтарга ОСАГО страховкатын булгуччу оҥоттороллорун ирдиир сокуон барылын дойду бырабыыталыстыбатын көрүүтүгэр номнуо ыыппыттарын эбэн эппит.
Хаартыска: РИА Новости
-
0
-
0
-
0
-
0
-
0
-
0
