Николаев эппитинэн, социальнай партнерство холобурунан Жатайга «Точка будущего» үөрэх комплекса тутуллуута буолар, «Новый дом» аһымал пуондатын суотугар. «Бу ураты комплекс буолар, оскуолалаах, эбии дьарыктанар уонна оскуола иннинээҕи саастаах оҕолор үөрэнэр корпустардаах, спортивнай-чэбдигирдэр эбийиэктээх, учууталларга кампустаах, иитэр оҕолордоох ыалларга аналлаах бөһүөлэктээх. Уопсай иэнэ 63 тыһ кв м», – диэтэ Айсен Николаев.
Маны сэргэ оскуолалары модернизациялааһыҥҥа федеральнай бырайыагынан кэлэр сылга 57 оскуола өрөмүөннэниэҕэ.
2022 сылга өрөспүүбүлүкэҕэ 38 оскуолаҕа капитальнай өрөмүөн ыытыллыбыта. «Биһиги оскуола ис инфраструктуратын сайыннарыыга баран эрэбит. 317 «Точка роста» үөрэх кииннэрэ арылынна, тыа оскуолаларыгар спортивнай саалалары өрөмүөннүүллэр, саҥардаллар, коррекционнай оскуолалар мастарыскыайданаллар. Оттон научнай-үөрэх киинэ — Наука дьоҕус академията — тыһыынчанан уолга, кыыска идэлэрин талыыга, науканан дьарыктаналларыгар, Саха сирин интеллектуальнай элитатын сорҕото буолалларыгар көмөлөһүөҕэ», – диэтэ Айсен Николаев.
-
0
-
0
-
0
-
0
-
0
-
0
