Ил Дархан Ил Түмэҥҥэ туһаайан этиитигэр өрөспүүбүлүкэ социальнай-экэнэмиичэскэй сайдыытын чугастааҕы уонна уһун болдьохтоох кэскиллэргэ туһуламмыт стратегическай хайысхаларын сырдатыа. Бу буолаары турар тэрээһиҥҥэ Аҕа баһылыкпыт ханнык соруктарга тохтуоҕай уонна туох сылын биллэриэҕэй?
Ахсынньы 19 күнүгэр Ил Түмэн дьокутааттара, СӨ Бырабыыталыстыбатын чилиэттэрэ, министиэристибэлэр, биэдэмистибэлэр, онтон да атын араас тэрилтэлэр салайааччылара, уопсастыба диэйэтэллэрэ саалаҕа мустуохтара.
Үгэс курдук Ил Дархан Анал этиитигэр социальнай-экэнэмиичэскэй сайдыы хайысхатыгар, чугас уонна уһун кэмнээх кэскили торумнуо. Мэлдьи буоларын курдук, ааһан эрэр сыл түмүгүн таһаарарыгар, 2024 сыл биллэрбит Оҕо саас сылыгар аналлаах тэрээһиннэри, ситиһиилэри бэлиэтээн ааһыаҕа.
Онтон бүгүн чуолаан, тугу этэрэ өссө да биллэ илик. Ол эрээри, Анал байыаннай дьайыы туһунан этии баар буолара саарбаҕа суох. Дойдуга анал байыаннай эпэрээссийэҕэ сыһыаннаах, онно кыттыбыт дьоҥҥо, кинилэр дьиэ кэргэттэригэр көмө, өйөбүл миэрэлэрэ сүрүн этиигэ киириэхтэрэ диэн сабаҕалыахха сөп. Биллэн турар, дьон олоҕо, киһи сыаннаһа биһиэхэ үрдүктүк тутулларынан, Саха сирин хас биирдии олохтооҕун олоҕун таһыма үрдүүрүгэр, уйгута улаатарыгар сорук туруо дии саныыбыт. Итини сэргэ, бу ааспыт Анал этиилэргэ үгүстүк таарыллыбытынан сылыктаатахха, Аартыка сайдыытын инники кыахтара, бүддьүөт үлэһиттэрин хамнастарын үрдэтии, тыа хаһаайыстыбатын итиэннэ бырамыысыланнаһы сайыннарыы боппуруостара эмиэ болҕомто киинигэр тутуллуохтара.
СИА хаартыскаҕа түһэриилэрэ
-
0
-
0
-
0
-
0
-
0
-
0
