«Айсен Сергеевич бүддьүөтү хаҥатыыга, экэнэмиэкини сайыннарыыга норуот хаһаайыстыбатын сүрүн салааларын сайдыыларыгар болҕомтотун уурда. Холобура, өрөспүүбүлүкэ кыһыл көмүһү уонна чоҕу хостооһуҥҥа дойдуга иккис миэстэҕэ таҕыста. Хостооһун төһөнөн элбэх да, соччонон бүдььүөккэ киириитэ улахан. Ону кытта, үлэһиттэр хамнастарын үрдэтэргэ, тутууну ыытарга, тыа хаһаайыстыбатын сайыннарарга кыах үөскүүр», -диэн Владимир Прокопьев Анал этиигэ экэниэмикэ сайдыытын боппуруоһа сүрүн миэстэни ылбытын чопчулаата.
«Ил Дархан Анал байыаннай дьайыы кыттыылаахтарын өйөөһүн боппуруостарын ураты боҕомтотугар тутар. Кэлэр сылга уонна инникитин даҕаны байыаннай сулууспалаахтары мэдиссиинэ уонна социальнай да өртүнэн чөлүгэр түһэрии боппуруостара олус сытыытык туруохтара», - диэн сис кэмитиэт салайааччыта Ил Дархан Анал этиитин кэнниттэн кэмэнтээрийигэр биллэрдэ.
Ил Түмэн пресс-сулууспатыттан
-
1
-
0
-
0
-
0
-
0
-
0
