- Мэлдьи буоларын курдук, Ил Дархан Айсен Николаев СӨ парламеныгар туһаайбыт Анал этиитэ элбэх иһитиннэриилээх уонна чуолкай буолла. Этиигэ сүрүн бэлиэтээһиннэр уурулуннулар. Мин ордук суолталааҕынан социальнай хайысхалааҕын болҕомтоҕо ыллым. Ону таһынан, үүнэр сыл Ийэ сылынан биллэриллибитинэн, ийэ кута саха норуотугар ордук ытыктанарынан, олус сэргии иһиттибит. Сүрүннээн ийэ, оҕо саас өттүнэн саҥа хамсааһыннарга болҕомто уурулунна, уопсастыбаннай эйгэҕэ, доруобуйа харыстыбылын сайдыытыгар, үөрэҕэриигэ, култуураҕа, сынньалаҥҥа, экологияҕа, тупсарыныы хайысхаларыгар саҥа соруктар туруорулуннулар, о.д.а. боппуруостар таарылыннылар. Биһиги бары кини этиилэрин олус кэрэхсэбиллээхтик иһиттибит, туһааннаах хайысхаларынан ыйыллыбыт көҕүлээһиннэри сүнньүнэн бары өйүүбүт. Сорох түгэннэргэ, чуолаан, бырабыыталыстыбаҕа уонна парламеҥҥа сорудахтыырыгар кытаанахтык этилиннэ. Билигин биһиги түргэнник кини ыйбыт соруктарынан, сокуону оҥорооччулар былаанын оҥостон, олоххо киллэриэхпитин наада. Туһааннаах этии саҕаланыытыгар өрөспүүбүлүкэ куораттарын уонна тыа бөһүөлэктэрин ойуур баһаардарыттан харыстыырга, судаарыстыбаннай социальнай өйөбүллэри сокуонунан мэктиэлииргэ ыйылынна. Ону таһынан «Өрөспүүбүлүкэ дьонун- сэргэтин туругун хайдах тупсарабыт?» диэн ыйытыкка сыһыарылынна. Бу ыйыллыбыт сытыы соруктар инники хас эмэ сылга учуоттанан этилиннилэр. Олохтоох салайыныы, ситэриилээх былаас уонна сокуону оҥорооччулар уорганнарынан сорудахтар толоруллуохтара уонна бары кыһамньыбытын ууруохпут диэн эрэнэбин.
-
0
-
0
-
0
-
0
-
0
-
0
