- Ил Дархан Анал этиитин кэнниттэн саалаттан сүргэбит көтөҕүллэн, инникигэ эрэллээх, сырдык санаалаах таҕыстыбыт. Чахчы, биһиги өрөспүүбүлүкэбит иннигэр турар сүдү суолталаах, сытыы соруктары иһиттибит. Быйыл биһиги өрөспүүбүлүкэбит үрдүк көрдөрүүлэрин ситиспиппитин, кини өссө төгүл тоһоҕолоон бэлиэтээн эттэ.
2021 сылга өрөспүүбүлүкэ экэниэмикэтин сайдыытыгар пандемия саҕаланыан иннинээҕи көрдөрүүлэрэ ситиһиллибиттэрэ. Сахабыт сирин бырамыысыланнаска муҥутуур үрдүк үүнүүтүн тэтимэ көһүннэ. 2022 сылга салгыы өссө эбии тэтимнээх үрдээһинин ситиһиллэрэ былааннанар. Дьэ, мантан инньэ, тыа хаһаайыстыбатын салаалара үп-харчы өттүнэн сөптөөхтүк үбүлэниэхтэрэ. Салгыы нэһилиэнньэлээх пууннарбыт гааһынан хаччыыллыыларын улахан кээмэйигэр төннүөхпүт. Ити барыта миигин олус үөрдэр.
-
0
-
0
-
0
-
0
-
0
-
0
