Бу күн сарсыардатыгар Амматтан Дьокуускайдыыр суол 155 км. (Дьокуускайтан Аммаҕа барыынан ааҕыллар, Амматтан 23-30 км.) учаастагар аспаалы ууруу үлэтэ үөрүүлээхтик саҕаланна. Амма улууһун олохтоохторугар эрэ буолбакка, бүтүн Саха сирин дьонун-сэргэтин үөрүүлээх түгэнигэр Ил Дархан Айсен Николаев кыттыыны ылла.
Быйылгы былаанынан бу учаастакка 7 км. усталаах суолу аспааллыахтара. Айсен Николаев 2023 сылга Аммаҕа адаптивнай успуорт көрүҥнэригэр өрөспүүбүлүкэтээҕи кэлим спартакиада кэмигэр биллэрбитин курдук, Амма суолун аспааллааһынын 4 сыл устата ыытан, 2028 сылга түмүктүөхтэрэ.
Билигин Аллараа Бэстээхтэн Майаҕа диэри суол уруккуттан аспаллаанан, салгыы 159 км кытаанах бүрүөһүнүнэн сабыллыахтаах. Уоспайынан бу үлэҕэ барыта 17 млрд. солк. үп көрүллэрэ былааннанар.
Айсен Николаев бүгүн үөрүүлээх тэрээһиҥҥэ бэлиэтээбитинэн, суолу тутааччылар 2028 сыл түмүктэниитигэр диэри тутууну хаачыстыбалаахтык оҥорон туттаралларыгар эрэнэбин, Амма эрэ улууһун олохтоохторо эрэ буолбакка, Мэҥэ Хаҥалас. Уус Маайа улуустарын дьоно-сэргэтэ эмиэ үчүгэй суолунан сылдьар буолуохтара диэтэ.
«Амма» массыына суола Дойду бэрэсэдьиэнэ Владимир Путин көҕүлээбит «Куттала суох хаачыстыбалаах суоллар» национальнай бырайыагынан өрөмүөннэнэр.
Хаартыскалар "Амма олоҕо" хаһыат саайтыттан ылылыннылар
-
1
-
0
-
0
-
0
-
0
-
0
