«Демография» национальнай бырайыак биэс эрэгийэннээҕи бырайыактартан турар. Ол курдук, «Дьиэ кэргэн оҕолоро төрөөтөҕүнэ үбүнэн өйөөһүн» бырайыакка 5 млрд. солк. анаммыт. Уопсайа 16 тыһ. дьиэ кэргэн бу бырайыагынан төлөбүрү ылыаҕа. Ол туһунан СӨ Үлэҕэ уонна социальнай сайдыыга министиэристибэтин пресс-сулууспата иһитиннэрэр.
Улахан болҕомто үстэригэр диэри саастаах оҕолору уһуйаанынан хабыыга ууруллуоҕа. Бу үлэҕэ 1,1 млрд. солк. көрүллүбүт. Өлүөхүмэ, Алдан, Амма, Нам, Таатта, Уус Алдан улуустарыгар уонна Дьокуускай куоракка уопсайа 8 оҕо саада тутуллуоҕа. «Аҕа көлүөнэ» диэн бырайыагынан Бүлүү улууһугар Сосновкаҕа баар интэринээт-дьиэ 150 миэстэлээх саҥа куорпуһун тутан бүтэриэхтэрэ. Өлүөхүмэҕэ 200 миэстэлээх куорпуһу салгыы тутуохтара.
-
0
-
0
-
0
-
0
-
0
-
0
