Бу туһунан Ил Түмэн норуот дьокутаата, «Сахаэнерго» генеральнай дириэктэрэ Гаврил Алексеев социальнай ситимнэр нөҥүө биллэрдэ:
- Мэдиссиинэ чааһын сулууспалааччылара тырааныспар тиийбэтин уонна бааһырбыт байыастары илиилэригэр таһалларын туһунан кыһалҕаларын этинэн хампаанньа аадырыһыгар сурук ыыппыттара. Билэргит курдук, бааһырбыт буойуттарга төһө суһаллык көмөнү оҥороргуттан киһи олоҕо тутулуктанар. Хампаанньа иһинэн тэриллибит мобилизацияламмыт сулууспалааччыларга гуманитарнай көмөнү оҥоруу хамыыһыйата биир дойдулаахтарбытын уонна бааһырбыт сулууспалааччылары өйүүргэ быһаарыныы ылыммыта.
Идэлээх сойуус кэмитиэтин бэрэссэдээтэлэ Евгений Стручков Ставрополь куоракка тиийэн, тутатына санитарнай массыына атыылаһан, анал баайыаннай дьайыы зонатыгар сулууспалааччыларыгар тиксэрдэ. Иккис массыына мэдиссиинэ үлэһиттэригэр Ростов куораттан атыылаһылынна. Эпэрээссийэ хонуутугар наадалаах тиэхиникэлэр тиксэриллибиттэригэр биир дойдулаахтарбыт үөрүүлэрин киһи тылынан сатаан тиэрдибэт.
Маны сэргэ билигин «Сахаэнерго» бэрэстэбиитэлэ байыастарга дизель генератор, тепловизор курдук туһалаах мал-салы, бородууктаны, социальнай суолталаах туттар тэриллэри тиксиэриэхтээх. СӨ Ил Дархана Айсен Николаев «Сахаэнерго» кэлэктиибигэр бу судургута суох кэмҥэ саха саллааттарыгар уонна бааһырбыт буойуттарга улахан көмө оҥорбуттарын иһин махталын биллэрдэ, – диэн Гаврил Алексеев суруйар.
-
3
-
0
-
0
-
0
-
0
-
0