— Арассыыйаҕа 2024 сыл Дьиэ кэргэн сылынан, оттон Саха Сиригэр Оҕо сылынан биллэрилиннэ. Айсен Сергеевич Анал этиитигэр эппитинэн, дьиэ кэргэн бэлиитикэтин өрөспүүбүлүкэ бастакы Бэрэсидьиэнэ Михаил Николаев төрүттээбитэ, ол иһин Уһук Илин биһиги эрэ эрэгийиэммитигэр нэһилиэнньэ эбиллэр, хас бэһис дьиэ кэргэн элбэх оҕолоох.
Оҕо сылыгар хас биирдии оҕо сайдарыгар, доруобуйатын чэбдигирдэргэ, олоҕун суолун таба таларга сөптөөх усулуобуйа тэрийиэхтээхпит. Ил Дархан олохтоох бородууксуйаны уһуйаан уонна оскуола остолобуойугар киллэрэргэ сорудахтаата. Норуот дьокутааттара олохтоох үрүҥ илгэни, иҥэмтэлээх эт аһы оскуола остолобуойугар киллэрэри хас да сыл тухары туруорсубуттара.
Оҕо аймах — биһиги өрөспүүбүлүкэбит уонна дойдубут кэнчээри кэскилэ. Үүнэр көлүөнэни сайыннарарга IT- технологияҕа, киинэ эйгэтигэр, анимацияҕа саҥа бырайыактар олоххо киирдилэр. Үлэ — хас биирдии киһи олоҕун уйгута, итинэн сиэттэрэн, эдэр ыччаты бырамыысыланнаска сыһыарарга, үлэ миэстэтин таһаарарга улахан болҕомто ууруллар.
Элбэх оҕолоох ыал оҕолоругар орто үөрэх төлөнүө, онон оҕо идэ ыларыгар, хамнас аахсарыгар бастакы тирэх буолуо.
-
2
-
0
-
0
-
0
-
0
-
0
