Булт болдьоммут кэмигэр көҥүллэниэҕэ: уу көтөрүгэр – сылаас дойдуга көтүөхтэригэр диэри, мас көтөрүгэр – ахсынньы ый 31 күнүгэр диэри, туйахтаах кыылларга сүрүн көрүҥнэригэр балаҕан ыйын 15 күнүттэн уонна алтынньы 1-кы күнүттэн саҕаланыаҕа, кыыл-сүөл сүрүн көрүҥнэригэр балаҕан ыйын 15-с чыыһылатыттан.
Өрөспүүбүлүкэ киин уонна өрүс уҥуоргу оройуоннарыгар куобаҕы бултааһын хааччахтанааһына салҕанар.
«Булчуттар бултааһын быраабылатын тутуһуохтаахтар, көҥүллэнэр тэриллэринэн уонна ньымаларынан эрэ туһаныахтаахтар. Сүрүн болҕомто ойуурга баһаартан сэрэхтээх буолуу тутуһуутугар ууруллар. Ойуур хаһаайыстыбатын, бултааһын уонна бултуур ресурсалары харыстааһын эйгэтигэр сокуону кэһии административнай уонна холуобунай эппиэтинэскэ тардыллыа», - диэн Саха сирин айылҕа харыстааһынын министиэристибэтигэр бэлиэтээтилэр.
-
0
-
0
-
0
-
0
-
0
-
0
