Тыа хаһаайыстыбатын министиэристибэтэ иһитиннэрэринэн, атырдьах ыйын 23 күнүнээҕи туругунан сыл тахсар от 61 %-а хааччыллыбыт. Өрөспүүбүлүкэ үрдүнэн 172 мобильнай биригээдэ тэриллэн, ыраах учаастактарынан 9 107 туонна от оттоммут. Бу биригээдэлэр барыта холбоон 40 тыһыынча туоннаны оттуохтаахтар. Маны таһынан, 8 948 туонна сиилэс уонна 1 801 туонна сенаж бэлэмнэммит.
– Сүөһү сүмэһиннээх аһылыгын бэлэмнээһин саҕаланна, ол курдук, Амма, Ленскэй, Мэҥэ Хаҥалас, Сунтаар, Хаҥалас улуустарын уонна Дьокуускай куорат хаһаайыстыбалара сиилэстии, Өлүөхүмэ, Томпо улуустара сенаж оҥоро сылдьаллар. Сүөһү сиир култууратын ыһыытын үүнүүтэ куһаҕана суох, онон халлаан этэҥҥэ туран биэрдэр, сиилэс (30 184 т.), сенаж (12 994 т.) былааннара толоруллуоҕа, – диир тыа хаһаайыстыбатын миниистирин солбуйааччы Николай Афанасьев.
- 0
- 0
- 0
- 0
- 0
- 0