«1999 сылтан биһиги кыра, онтон кэлин дьон биһирэбилин ылбыт улахан Ykt.Ru порталбыт Саха Сирин олохтоохторугар анаан үлэлээн кэллэ. Биһиги Doska, Afisha уонна Eda туһалаах сервистэри өйүүрбүт. Нэһилиэнньэ үбүн харыстаан, "Купон" уонна "Совместные закупки" сыһыарыылардаахпыт. Саҥа үлэни "Rabota.Ykt.Ru" нөҥүө булара. Дьон араас чаттарга, форумнарга кэпсэтэллэрэ, галереяҕа хаартыскаларын көрдөрөллөрө, санааларын-оноолорун "дневниктэргэ" үллэстэллэрэ. Маны тэҥэ өссө араас сервистэри туһаналлара “, - диэн суруйбут.
23 сыл устата Ykt.Ru кэмиэрчэскэй интэриэстэн буолбакка, Саха Сирин сайдар платформата буолбута. 2010 сыллаахха портал өрөспүүбүлүкэҕэ саамай киэҥник биллэр медиа, оттон дойдуга аудиторияны хабыыга бэйэтин эрэгийиэнигэр бастыҥынан биллибитэ.
Суруналыыстар тус үлэлэринэн эрэ буолбакка, араас аахсыйалары тэрийэн, ыарыһах оҕолорго, кыра урбааны өйүүргэ, экологияны тупсарыыга көмөлөспүттэрэ. Ykt.Ru хамаандатын потенциалыттан inDriver бырайыак үүнэн-:сайдан тахсыбыта. Ykt.Ru хамаандата «Синет Спарк» сайдыы хампаанньатын уонна Sinet Team урбаан идеологиятын таһаарбыта.
Арсен Томскай билигин киирэ турар сокуон уларыйыыларыттан сылтаан баҕа өттүнэн порталы сабалларын эттэ.
"Ykt.Ru хамаандатын сорҕото inDriver уонна «Синет Спарк» көһүөхтэрэ, сорохтор ирдэнэр компенсация төлөбүрдээх уурайыахтара" диэн суруйда. Кэмиэрчэскэй сервистэр - Doska, Rabota и Eda inDriver-га бэрилиннилэр, уруккулуу үлэлиэхтэрэ. Afisha.Ykt.Ru сабыллара сабаҕаланар. Сервистэр архыыптара саҥа контент киллэрбэттии үлэлиэхтэрэ
-
0
-
0
-
0
-
0
-
0
-
0
