СӨ Тыа хаһаайыстыбатын министиэристибэтин дааннайынан, «Саюри» бородууксуйатын маҥнайгы сыанатыгар импортнай өттө (агро-матырыйаал, уоҕурдуу, сиэмэ пуондата) 12% кэриҥин ылар. Ол эрээри, «Якутия» ТОР резиденэ, сүрүн кууһунан туттарааччы курдук, оҕуруотун аһын сыанатын үрдэппэт.
Билигин «Саюри» ХЭТ наадатыгар 60 мөл. солкуобайга агро-матырыйаал, сиэмэ ылыытын боппуруоһа быһаарыллыахтаах.
- Киин Баан ыстаапката 8,5%-тан 20%-ҥа диэри үрдээн, матырыйаал сыаната 50%-нан улааппыт. Сыырдаах агрокомплексын территориятын бытархай лааппытыгар көннөрү атыылаһааччы билигин 1 суортаах томаты 270 солк/кг, оттон 1 суортаах оҕурсуну 255 солк/кг ылыан сөп. Маннык сыаналар официальнай саайка ыйыллыбыттар: sayuri-ykt.com. Кууһунан сыана (10 киилэттэн) өссө кыра.
Дьокуускайга билигин манна атылыы бородууксуйа ( кэлии оҕуруот аһа) орто сыаната маннык буолан турар: 230-289 солк/кг (оҕурсу); 250-320 солк/кг (помидор).
Дьокуускай оҕуруот аһын ырыынагар “Саюри” агрокомплекс өлүүтэ 25% кэриҥэ буолар. Бу тэрилтэ Саха Сиригэр кууһунан туттарааччылартан бастыҥнара буоларын быһыытынан, сыана улааппатыгар биллэр өҥөнү киллэрэр. Инньэ гынан, «Саюри» агрокомплекс сыана эмискэ үрдүүрүн бытаардар, тутар. Ол биһигиттэн ылар маҕаһыыннар бэйэлэрэ сыананы үрдэтэллэр.
-
0
-
0
-
0
-
0
-
0
-
0
