Издательский дом Редакция Подписка
Погода в Якутске: . -12 oC

Дьокуускай таһынааҕы бөһүөлэктэр бааһынайдара (пиэрмэрдэрэ) киин куораты сибиэһэй аһынан-үөлүнэн хааччыйарга таһаарыылаахтык үлэлииллэр, базаларын мэлдьи хаҥаталлар.

Дьокуускай таһынааҕы бөһүөлэктэр бааһынайдара (пиэрмэрдэрэ) киин куораты сибиэһэй аһынан-үөлүнэн хааччыйарга таһаарыылаахтык үлэлииллэр, базаларын мэлдьи хаҥаталлар.

Өрөспүүбүлүкэ бастакы көлүөнэ бааһынайдарын чаҕылхай бэрэстэбиитэлэ, сибиинньэни иитиигэ идэтийэр «Түмсүү» бааһынай хаһаайыстыба баһылыга, «Гражданскай килбиэн» бэлиэ хаһаайына Ульяна Гаврильевна Кириллина 2015 сыллаахха дьиэ кэргэн пиэрмэтин тутуу федеральнай бырагырааматын граныгар тирэҕирэн, Табаҕа бөһүөлэгэр сибиинньэ комплексын туттубута.

Ульяна_Кириллина.jpg

Сыллата 200 сибиинньэ оҕотун итиэннэ икки туонна эти батарара. Бу үлэтигэр киниэхэ улахан кыыһа, Хатастааҕы сибиинньэ комплексыгар уонча сыл бэтэринээрдээбит уопуттаах Наталья көмөлөһөрө.

св-_комп.jpg

Ульяна Гаврильевна 2021 с. ахсынньыга олохтон туораабыта, онуоха бииргэ төрөөбүттэрин кытары сүбэлэһэн баран, Наталья Борисовна хаһаайыстыбаны салгыы үлэлэтэргэ быһаарыммыта. Ол түмүгэр «Дмитриева Наталья Борисовна» диэн биирдэм тэрилтэ баар буолбута.

св-_2jpg.jpg

Эдэр хаһаайка ааспыт күһүн киин куорат дьаһалтатын өйөбүлүнэн биэс сылга болдьохтоон, 5 %-наах сойуому ылан, сибиинньэ оҕолоругар анаан дьоҕус хотону (ону "боросуонак дьааһылата" диэн ааттыыр) итиэннэ саҥа хочуолунайы туттунна, электроуот киллэртэрдэ, бу иннинэ комплекс электрогенераторынан сырдатыллан турбут. Билигин манна 90 сибиинньэ, ол иһигэр 50 ийэ сибииинньэ кыстатыллан турар. Ааспыт сыл түмүгүнэн 4 туонна эти ылыллыбыт.

Св--_3._pg.jpg

Өрөспүүбүлүкэ Бырабыыталыстыбатын Бэрэссэдээтэлэ Андрей Тарасенко бу күннэргэ хаһаайыстыба үлэтин-хамнаһын билистэ. Наталья Дмитриева ийэ сибиинньэ ахсаанын сүүскэ тиэрдэр баҕалааҕын туһунан эттэ. Ити курдук, өрөспүүбүлүкэ биир бастакы пиэрмэрин үлэтин кыыһа салҕаан, кэккэ былааннардаах үлэлии-хамсыы сылдьар.

  • 4
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23