-Арассыыйа Бэрэсидьиэнэ Владимир Путин кулун тутар 27 күнүгэр Мурманскайга «Аартыка – биир тылы булуу территорията» VI норуоттар икки ардыларынааҕы Аартыкатааҕы пуорумҥа кыттан тыл эттэ. Бэрэсидьиэн Аартыка суонатын уонна Хотугу муора суолун кэлимник сайыннарыы кэскиллэрин туһунан кэпсээтэ, — диэтэ Саха Сириттэн сенатор Сахамин Афанасьев.
- Владимир Путин норуоттар икки ардыларынааҕы пуорум пленарнай мунньаҕар кыттан тыл этиитэ - Аартыканы сайыннарыыга туһаайыллыбыт Анал этиитэ буолар. Кини Аартыка Арассыыйаҕа уонна аан дойдуга да сүҥкэн оруоллааҕын уонна суолталааҕын бэлиэтээтэ. Ону тэҥэ, Аартыка эйгэтин өйөөһүн уонна уһун болдьохтоох социальнай-экэнэмиичэскэй сайдыытын хааччыйыы, дьон олоҕун хаачыстыбатын тупсарыы уонна ураты айылҕалаах эйгэтин оннунан хаалларыы судаарыстыба сүрүн соруга буоларын ордук тоһоҕолоон эттэ, - диэн чуолкайдаата Сахамин Миланович.
Хаартыскалар: саха гов.ру
-
1
-
0
-
0
-
0
-
0
-
0
