-- Бу быһылаан туһунан бэс ыйыни 21 күнүгэр сарсыарда 8 чааска “Якутскэнерго” ААУо генеральнай дириэктэрэ Алексей Стручков биллэрбитэ. Олохтоох РЭС үлэһиттэрин уонна олохтоохтор көмөлөрүнэн саахалы туоратыы үлэтэ тута саҕаламмыта. Тэстибит иһиккэ хаалбыт сэлээркэни атын резервуарга көһөрдүлэр. Билигин тохтубут ньиэби хомуйуу үлэтэ бара турар. 11 чааска Дьокуускайтан оперативнай бөлөх көттө. Ол курдук, МЧС үлэһиттэрэ, биһиги министиэристибэбит оперативнай инспекцията, айылҕа харыстабылын борокуруора бардылар. Бэҕэһээ тоҕо барыы тахсаатын кытта, дьыала тэриллэн, административнай силиэстийэ ыытыллан эрэр, -- диэн быһаарар СӨ Экологияҕа, айылҕа баайын туһаныыга уонна ойуур хаһаайыстыбатын миниистирэ Сахамин Афанасьев.
Бүгүн киэһэ Москваттан буору чөлүгэр түһэрэр сорбеннары аҕалыахтаахтар.
-
0
-
0
-
0
-
0
-
0
-
0
