Баһаар турбут сирин уопсай иэнэ 358,4 га. Алдан уонна Кэбээйи оройуоннарыгар 0,4 га иэннээх ойуур баһаарын умуруорууга 110 киһи кыттыбыт уонна 11 тиэхиникэ туһаныллыбыт. Бүгүн, бэс ыйын 26 күнүгэр, Уус Майа, Үөһээ Бүлүү оройуоннарыгар 4 кылаастаах, оттон Үөһээ Дьааҥы оройуонугар үрдүк, 5 кылаастаах, ойуур баһаара туруон сөптөөҕө сабаҕаланар.
Ааспыт өрөбүллэргэ, көтөр аалынан кэтээн көрүү түмүгэр, уопсайа 9,4 га иэннээх уонна биир ландшафтнай 26 га иэннээх сиргэ 4 ойуур баһаара булуллубут. Бу күннэргэ Үөһээ Халыма оройуонугар 41 га сир уонна биир ландшафтнай 26 га иэннээх сир Абый оройуонугар умуруорулунна. Суһал ыстаап иһитиннэриитинэн, былырыын баччаларга, 74 738,1 га иэннээх сиргэ 29 ойуур баһаара тура сылдьыбыт. Ойуур баһаарын туруу кэмэ саҕаланыаҕыттан барыта 5 515,1 га иэннээх сиргэ 45 ойуур баһаара баара бэлиэтэммит.
-
0
-
0
-
0
-
0
-
0
-
0
